Politike

"Tha se Rama është udhëheqës i shquar"/ Bardhi komenton deklaratën e Blinken: Ai nuk dha asnjë mesazh për zhvillimet e brendshme

Sipas Bardhit, deklaratën lavdëruese ndaj Ramës, Blinken e ka bërë në kuadër të raporteve midis shteteve. Nga ana tjetër ai tha se do ishte e vlefshme të komentohej dhe se çfarë note ka Kryeministri shqiptar, sipas Bardhit, me qytetarët. 

19 Shkurt 2024, 22:34 Nga h.k
"Tha se Rama është udhëheqës i shquar"/ Bardhi
Gazment Bardhi

TIRANË-Gazment Bardhi, Kryetari i Grupit Parlamentar të Partisë Demokratike ka dhënë komente mbrëmjen e sotme gjatë një interviste mbi vizitën e Sekretarit të Shtetit Antony Blinken në Tiranë. Bardhi tha për Open, News 24 se nuk ka pa asnjë koment nga Blinken mbi politikën e brendshme.

Sipas Bardhit, deklaratën lavdëruese ndaj Ramës, Blinken e ka bërë në kuadër të raporteve midis shteteve. Nga ana tjetër ai tha se do ishte e vlefshme të komentohej dhe se çfarë note ka Kryeministri shqiptar, sipas Bardhit, me qytetarët. 

Bardhi: Unë e kam kuptuar që nuk lidhet me kontekstin e zhvillimeve brenda, por me raportet me Shtetet e Bashkuara të Amerikës, kërkesat e tyre apo bashkëpunimit që z.Rama ka pasur me SHBA. Nëse i është kërkuar të strehojë afganë, ai e ka pranuar dhe raste të tilla të ngjashme.

Sa i takon zhvillimeve të brendshme, nuk pashë ndonjë mesazh konkret nga sekretari Blinken. Ai i vendos notat në raport me marrëdhëniet me Shtetet e Bashkuara të Amerikës. Notën do të duhet t’ia vendosë Ramës me qytetarët shqiptarë. Kjo është përgjigja ime plotësisht e sinqertë. 

gazment bardhi

Sondazh

Poll

MË SHUMË