Bota

U kritikua se përjashtoi Thaçin nga videoja, Kurti kujton 17 shkurtin 2008: Deklarata e pavarësisë u firmos nga 3 krerët e shtetit

Një video e publikuar nga qeveria e Kosovës në prag të përvjetorit të 16-të të pavarësisë ka nxitur reagime të shumta pasi nuk ishte përfshirë momenti historik i shpalljes së pavarësisë së Kosovës nga kryeministri Hashim Thaçi. Kurti në fjalimin e mbajtur sot ka përmendur ish-kryeministrin Hashim Thaçi teksa ka rikujtuar historikun e ditës së 17 shkurtit 2008.

17 Shkurt 2024, 18:04 Nga M.B
U kritikua se përjashtoi Thaçin nga videoja, Kurti kujton 17
Albin Kurti

KOSOVA- Kryeministri i Kosovës, Albin Kurti ka marrë pjesë në pritjen e organizuar me rastin e 16-vjetorit të pavarësisë. Një video e publikuar nga qeveria e Kosovës në prag të përvjetorit të 16-të të pavarësisë ka nxitur reagime të shumta pasi nuk ishte përfshirë momenti historik i shpalljes së pavarësisë së Kosovës nga kryeministri Hashim Thaçi. Kurti në fjalimin e mbajtur sot ka përmendur ish-kryeministrin Hashim Thaçi teksa ka rikujtuar historikun e ditës së 17 shkurtit 2008.

Kurti ka thënë se deputetët e Kuvendit të Kosovës me 17 shkurt 2008 e kanë shpallur Kosovën shtet të pavarur dhe demokratik dhe se deklaratën e shpalljes së pavarësisë përveç 109 deputetëve, e kishin nënshkruar edhe krerët e institucioneve të asaj kohe.

“Më 17 shkurt 2008 deputetët e Kuvendit të Kosovës si përfaqësues të popullit të zgjedhur në zgjedhje të lira dhe demokratike e shpallën Kosovën shtet të pavarur, sovran dhe demokratik. Me votat dhe nënshkrimet e 109 vetave, që nënshkruan deklaratën e pavarësisë, dokumentit themeltar të shtetit tonë. Atë ditë mbi pergamenën e kuruar ku ishte shkruar deklarata e pavarësisë, krahas 109 deputetëve u nënshkruan edhe tre krerët e shtetit të sapo shpallur të pavarur, presidenti Fatmir Sejdiu, kryekuvendari Jakup Krasniqi dhe kryeministri Hashim Thaçi që e lexoi atë në Kuvend”, ka thënë Kurti.

albin kurti kosova

Sondazh

Poll

MË SHUMË