Aktualitet

Hodhën lëndë piroteknike, arrestohen 2 persona dhe procedohen penalisht 6 të tjerë pas ndeshjes Partizani-Tirana

Veprimet hetimore vijojnë edhe ditën e sotme për identifikimin e personave të tjerë që kanë kryer veprime të njejta kundër ligjit.

17 Shkurt 2024, 10:10 Nga S.B
Hodhën lëndë piroteknike, arrestohen 2 persona dhe procedohen
foto ilustruese

TIRANË- 2 persona janë arrestuar dhe gjashtë të tjerë po procedohen penalisht në Tiranë. Mësohet se këta persona kanë hedhur flakadanë gjatë dhe pas ndeshjes Partizani-Tirana, ose u janë gjetur lëndë piroteknike gjatë kontrollit në hyrje. Veprimet hetimore vijojnë edhe ditën e sotme për identifikimin e personave të tjerë që kanë kryer veprime të njejta kundër ligjit.

Njoftimi i policisë:

Hodhën lëndë piroteknike (flakadanë), gjatë dhe pas ndeshjes së futbollit Partizani-Tirana, vihen në pranga 2 shtetas.

Procedohen penalisht 6 të tjerë, të cilët gjatë kontrollit të ushtruar në hyrje të stadiumit, u kapën me lëndë piroteknike.

Specialistët për Hetimin e Krimeve të Komisariatit të Policisë Nr. 1, në vijim të veprimeve hetimore për situatën e krijuar gjatë dhe pas ndeshjes së futbollit Partizani-Tirana, të zhvilluar më datë 16.02.2024, në stadiumin “Air Albania”, arrestuan shtetasit F. K., 21 vjeç, banues në Tiranë, dhe K. S., 36 vjeç, banues në Fushë Krujë, pasi ditën e djeshme, kanë hedhur flakadanë, gjatë ndeshjes.

Në vijim të veprimeve, gjithashtu u proceduan penalisht shtetasit F. L., 34 vjeçe, A. B., 18 vjeç, K. A., 25 vjeç, R. M., 20 vjeç, Xh. R., 18 vjeç, dhe një i mitur 15 vjeç, pasi gjatë kontrollit në hyrje të stadiumit, u kapën me lëndë piroteknike.

Vijojnë veprimet hetimore për identifikimin dhe shoqërimin e shtetasve të tjerë që kanë ushtruar veprime të kundërligjshme gjatë aktivitetit sportiv.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

ndeshja partizani-tirana lende piroteknike

Sondazh

Poll

MË SHUMË