Aktualitet

I shpallur në kërkim për trafik narkotikësh, dorëzohet 26-vjeçari në Polici

. I riu u shpall në kërkim nga megaoperacioni "Tempulli 2".

17 Shkurt 2024, 09:17 Nga I.A
I shpallur në kërkim për trafik narkotikësh, dorëzohet
Policia

TIRANË- Një 26-vjeçar është vetëdorëzuar ditën e sotme në Polici. Mësohet se i riu ishte shpallur në kërkim për prodhim dhe trafik narkotikësh. I riu u shpall në kërkim nga megaoperacioni "Tempulli 2".  

Njoftimi i Policisë:

Tiranë Vetëdorëzohet një 26-vjeçar i shpallur në kërkim në kuadër të megaoperacionit "Tempulli 2", shkon në 78 numri i shtetasve të ndaluar. Më parë, gjatë zhvillimit të këtij operacioni, janë sekuestruar 14 kg kanabis, 5.3 kg kokainë, 170 gram heroinë, 11 peshore elektronike, 4 armë zjarri pistoleta, 1 armë zjarri automatik, 70 celularë, 11 automjete, 2 186 000 lekë, 11 610 euro dhe 630 paund.

Shërbimet e Komisariatit të Policisë Rinas dhe shërbimet e Seksionit për Hetimin e Narkotikëve, kanë ndaluar shtetasin: - G. Sh., 26 vjeç, banues në Tiranë. Ky shtetas është vetëdorëzuar në Polici pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë "Arrest në burg", për veprën penale "Prodhimi dhe shitja e narkotikëve". Vijon puna për lokalizimin dhe kapjen e shtetasve të tjerë të shpallur në kërkim në kuadër të këtij megaoperacioni. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

tempulli 2

Sondazh

Poll

MË SHUMË