Politike

"A keni kritikuar Tiranën në mbledhje"/ Rama përgjigjet: Ka qenë një mbledhje me ballafaqime

Rama ka pranuar se ka pasur diskutime dhe ballafaqime në mbledhje. 

11 Shkurt 2024, 16:16 Nga h.k
"A keni kritikuar Tiranën në mbledhje"/ Rama
Foto ilustruese

TIRANË-Edi Rama, Kryeminstri i Shqipërisë dhe njëkohësisht Kryetari i Partisë Socialiste ka folur pas mbylljes së Asamblesë Kombëtare për mediat. Rama është pyetur menjëherë nga gazetarët për lajmin se brenda mbledhjes, ai kishte shprehur kritika për Tiranën dhe Kavajën. Rama ka pranuar se ka pasur diskutime dhe ballafaqime në mbledhje. 

Rama: "Ne kemi bërë një mbledhje të gjatë me diskutime të shumta, me shumë anëtarë. Ka qenë pune, ka ballafaqime me fakte dhe me opinione të mbledhura në një proces shumë kapilar që kemi nisur, ka shqetësime që vijnë nga organizata të ndryshme të partisë nga zgjedhës që e kanë votuar ose PS.

Të gjitha janë diskutuar por nëse mund të flasim për kritika, do të thosha se ka pasur një qasje vetë kritike nga të gjithë së bashku, duke filluar nga unë. Jam bashkë me sekretarin e përgjithshëm për të informuar se jemi të kënaqur nga kjo mbledhje sepse kanë dalë shumë gjëra për të marrë parasysh.

Kemi miratuar edhe planin e veprimit për periudhën 15 shkurt-15 mars, kur fillojmë zgjedhjet në të gjithë organizatën tonë politike. Me 16 mars do të rimbledhim asamblenë kombëtare në Durrës, për të parë ecurinë e procesit gjatë këtij muaji.

Do të rihyjmë në proces për zgjedhjet…dhe nga 15 prilli do të përgatitemi për procesin me një anëtar një votë. Kështu që jemi sipas parashikimeve dhe në funksion të objektivit që në zgjedhjet e ardhshme të marrim fitoren më shembullore të të gjithë këtyre proceseve zgjedhore.”

Ditën e sotme u zhvillua mbledhja e Asamblesë së Partisë Socialiste, cila u drejtua nga kreu i saj, Edi Rama. Arseyja e mbledhjes lidhet me raportimin për përmbushjen e detyrave që iu është lënë në Kongresin e 8 Dhjetorit për të shtuar radhët e çdo organizate socialiste. Rreth 400 anëtarët e asamblesë, vetë Rama, ministrat e deputetët u mblodhën në orën 10:30 në një restorant në periferi të Tiranës.

edi rama asambleja kombëtare e partisë socialiste

Sondazh

Poll

MË SHUMË