Sport

Verdhekuqtë e Romës mohojnë deklaratat e Joan Laportas për Superligën...

Presidenti i Barcelonës deklaroi se stema italiane ishte në përputhje me propozimin për kompeticionin e ri të klubit

2 Shkurt 2024, 19:27 Nga DOSJA

Verdhekuqtë e Romës mohojnë deklaratat e Joan Laportas për

ITALI - Pikërisht këtë të premte presidenti i Barcelonës, Joan Laporta, deklaroi se disa klube evropiane janë të interesuara për t'u futur në Superligë, mes tyre edhe Roma.

“Barcelona, ​​Real Madridi, Inter, Milani, Napoli dhe Roma janë në marrëveshje. Pastaj është  Marseja  në Francë. Do të dëshironin të hynin edhe tre klube portugeze dhe tre holandeze, Club Brugge dhe Anderlecht. Janë 16 ose 18 skuadra”,- tha ai në një intervistë për  programin El Món në RAC1.

Megjithatë, Roma bëri të ditur publikimin e një deklarate, duke mohuar faktin se kishte shfaqur ndonjë interes për të marrë pjesë në kompeticionin e ri: “AS Roma konfirmon se nuk mbështet në asnjë mënyrë asnjë lloj projekti që i atribuohet të ashtuquajturës Superligë.

Klubi gjithashtu specifikon se nuk e ka rishikuar kurrë qëndrimin e tij për këtë çështje, as nuk ka mbajtur ndonjë dialog të dobishëm për të marrë një rrugë të ndryshme nga ajo e klubeve në tërësi përmes ECA (Shoqata e Klubeve Evropiane), në bashkëpunim të ngushtë me UEFA dhe FIFA”, shtoi stema romake. 

Roma mban kështu të njëjtin qëndrim që tregoi vitin e kaluar në lidhje me Superligën, edhe pasi krijimi i saj u lejua nga Gjykata e Drejtësisë së Bashkimit Evropian. 

B.T (Dosja.al)

Sondazh

Poll

MË SHUMË