Art&Argëtim

E akuzuan se ka keqtrajtuar Britney Spears/ Justin Timberlake: Nuk i kërkoj falje askujt

Përpara se të këndonte hitin e tij të vitit 2002 "Cry Me a River", Timberlake mori një moment për të ndarë disa mendime të sinqerta me fansat.

1 Shkurt 2024, 17:40 Nga S.B
E akuzuan se ka keqtrajtuar Britney Spears/ Justin Timberlake: Nuk i kërkoj
Justin Timberlake dhe Britney Spears

SHBA- Këngëtari Justin Timberlake festoi ditëlindjen e tij me një shfaqje në qytetin e Nju Jorkut dhe e bëri të qartë se nuk kishte “askujt” për t'i kërkuar falje. Timberlake mbushi 43 vjeç dhe e festoi duke dhënë një shfaqje falas në Irving Plaza, duke performuar një pjesë të hiteve të tij më të njohura dhe disa nga muzika e tij të re të albumit të tij të ardhshëm, ‘Everything I thought it was’ e cila pritet të dalë më 15 mars. Përpara se të këndonte hitin e tij të vitit 2002 "Cry Me a River", Timberlake mori një moment për të ndarë disa mendime të sinqerta me fansat.

"Do të doja të përfitoja nga ky rast për t'i kërkuar falje absolutisht askujt," tha Timberlake para këngës.

Deklarata e tij vjen pasi Britney Spears ndau mendimet e saj për këngën në ‘The woman in me’ duke e përshkruar komplotin e videoklipit të këngës si një grua që duket si ajo, që e mashtron djalin dhe ai endet përreth i trishtuar në shi.

Në libër ishi i Timberlake, Spears pohoi se reagimi i medias nga video e paralelizoi atë me një prostitutë që kishte thyer zemrën e djalit të artë të Amerikës, kur në fakt, ajo ishte në koma në Luiziana, dhe ai po shijonte Hollywoodin. Spears gjithashtu konfirmoi në libër se ajo u puth me koreografin Wade Robson ndërsa ishte në lidhje me Timberlake.

Timberlake kurrë nuk iu drejtua drejtpërdrejt komenteve të Spears, por i tha Zane Lowe muajin e kaluar se materiali i tij i ri do tu japë mbështetësve të tij një perspektivë të vërtetë për jetën e tij. Të dielën, pasi Timberlake u kthye në Saturday Night Live për herë të parë në 10 vjet, Spears bëri një tjetër koment publik për këngëtarin duke lavdëruar dy këngët e reja që ai interpretoi në spektaklin e komedisë.

“Dua të kërkoj falje për disa nga gjërat që kam shkruar në librin tim. Nëse kam ofenduar ndonjë nga njerëzit për të cilët me të vërtetë dua, më vjen shumë keq…”, shkroi ajo në një postim të fshirë në Instagram. “Doja të thoja gjithashtu se jam e dashuruar me këngën e re të Justin Timberlake 'Selfish'. Është shumë e bukur dhe si ka mundësi që sa herë shoh Justin dhe Jimmy së bashku qesh kaq shumë ??? “ shtoi ajo

E akuzuan se ka keqtrajtuar Britney Spears/ Justin Timberlake: Nuk i kërkoj
foto ilustruese

Postimi paraqiste një video të Timberlake duke u shfaqur në ‘The Tonight Show me Jimmy Fallon’ të enjten, ku ai, Fallon dhe The Roots performuan një përzierje humoristike të disa prej këngëve të tij më të njohura, së bashku me "Selfish", të ndjekura nga instrumentet e bandës.

Gjatë spektaklit të Timberlake në Irving Plaza, në skenë doli edhe bashkëshortja e tij Jessica Biel, e cila e surprizoi këngëtarin me një tortë ditëlindjeje dhe një këngë. Turma u bashkua për t'i kënduar "Happy Birthday" yllit të Trolls. Timberlake e përshëndeti gruan e tij, e cila mbante një tortë me disa qirinj të ndezur, me një puthje dhe një përqafim teksa publiku i këndonte. Pas shfaqjes, Timberlake postoi një video në Instagram Story duke falënderuar fansat e tij për atë natë të mrekullueshme.

justin timberlake britney spears

Sondazh

Poll

MË SHUMË