Bota

Putin vizitë në vendin e parë anëtar të NATO-s që nga pushtimi i Ukrainës, presidenti rus planifikon takim me Erdogan

Turqia është munduar të mbajë marrëdhënie të mira me Moskën dhe Kievin që kur Rusia pushtoi Ukrainën.

31 Janar 2024, 18:35 Nga S.B
Putin vizitë në vendin e parë anëtar të NATO-s që
Erdogan dhe Putin

RUSI- Presidenti rus Vladimir Putin do të vizitojë Turqinë anëtare të NATO-s për të takuar Presidentin Tayyip Erdogan më 12 shkurt. Vizita e Putinit do të jetë e para e tij në një vend anëtar të NATO-s që nga pushtimi i plotë i Ukrainës nga Rusia në shkurt 2022.

Mundësia e Putinit për të udhëtuar jashtë vendit ka qenë e kufizuar që nga marsi i vitit të kaluar kur Gjykata Ndërkombëtare Penale (ICC) lëshoi një urdhër arresti kundër tij për deportimin e supozuar të fëmijëve ukrainas në Rusi, si një krim lufte. Rusia e mohoi akuzën dhe e quajti këtë veprim mizor, por tha se ishte ligjërisht i pavlefshëm në çdo rast, sepse Rusia nuk është anëtare e ICC.

Turqia gjithashtu nuk është palë e Statutit të Romës të ICC-së, kështu që Putini mund të udhëtojë në Turqi pa frikën se do të arrestohet sipas urdhër-arrestit. Turqia është munduar të mbajë marrëdhënie të mira me Moskën dhe Kievin që kur Rusia pushtoi Ukrainën. Ajo ka ofruar mbështetje ushtarake për Ukrainën dhe ka shprehur mbështetje për integritetin e saj territorial, por gjithashtu kundërshton në parim sanksionet ndaj Rusisë .

Ankaraja po kërkon të bindë Rusinë që të kthehet në iniciativën e ashtuquajtur ‘Black sea grain’ pasi Moska u tërhoq korrikun e kaluar, duke i dhënë fund një viti eksportesh të mbrojtura nga portet ukrainase në mes të luftës. Erdogan tha se alternativat ndaj marrëveshjes nuk mund të ofrojnë një zgjidhje të qëndrueshme. Erdogan do të udhëtojë në Egjipt më 14 shkurt pasi të dy vendet kanë përmirësuar marrëdhëniet e tyre diplomatike duke emëruar ambasadorë vitin e kaluar, pas një dekade tensioni.

putin takohet me erdogan vladimir putin rexhep taip erdogan

Sondazh

Poll

MË SHUMË