Politike

Berisha: Ecëm në rrugë të vështirë, na quajtën antiamerikanë, më quajtën antiamerikan sepse solla Bushin dhe jo Mc Gonigalin

Berisha tha se demokratët sipas tij janë sulmuar duke i çuar në një rrugë të vështire dhe më tej ka shtuar se kanë quajtur anti-amerikanë njeriun që solli George Bush në Shqipëri. 

30 Janar 2024, 19:35 Nga h.k
Berisha: Ecëm në rrugë të vështirë, na
Sali Berisha

TIRANË-Kreu i Partisë Demokratike, Sali Berisha ka folur mbrëmjen e sotme si çdo ditë përpara protestuesve që tubojnë para banesës së tij. Berisha tha se demokratët sipas tij janë sulmuar duke i çuar në një rrugë të vështire dhe më tej ka shtuar se kanë quajtur anti-amerikanë njeriun që solli George Bush në Shqipëri. 

Berisha: Miqtë e mi!
Ecëm në një rrugë të vështirë. U përballëm me presion ç’njerëzore, kërcënime të jashtëzakonshme. Por me besimin tek e vërteta, kapërcyem çdo vështirësi.
Narkopropaganda u vërsul mbi ju me të gjitha epitetet. Mendoni pak për një moment; ata që ju quanin ju antiamerikan, që quanin Berishën antiamerikan sepse në Shqipëri kishte sjellë Xhorxh Bushin dhe jo McGonigalin.

Mendoni pak sot miqtë e mi, kur Edi Rama ka korruptuar me dokumente zyrtare të drejtësisë Amerikane, kryezbuluesin e SHBA, njeriun që kishte detyrë dhe mision mbrojtjen e vendit të tij të madh nga spiunët dhe korrupsioni, e korrupton dhe e angazhon në luftë kundër opozitës. Ai po dënohet atje, Edi Rama ka aktpadinë.

Çfarë thonë këta proamerikanë, narkomanë. Çfarë thonë sot këto media dhe gazetarë, këta banalistë.
A ekziston për ta skandali McGonigal, a është një akt armiqësor ndaj kombit të madh Amerikan, korruptimi i kryezbuluesit të tyre me pagesë. Ky pseudoamerikanizmi i tyre.

Amerikanizmi ynë bazohet në vlera dhe vetëm vlera.

sali berisha

Sondazh

Poll