Politike

Berisha: Demokratë jeni pararendës të një Shqipërie tjetër, të rivendosjes së pluralizmit, votës së lirë, besimit tek Shqipëria

Ai ka bërë thirrje për që të mobilizohen kundra qeverisë së Kryeministrit Edi Rama që sipas ka vendosur regjimin në Shqipëri dhe po bën gjithçka për të asgjesuar opozitën. 

30 Janar 2024, 19:11 Nga h.k
Berisha: Demokratë jeni pararendës të një Shqipërie
Foto ilustruese

TIRANË- Kryetari i Partisë Demokratike Sali Berisha, ka folur mbrëmjen e sotme për protestuesit përpara banesës së tij. Ai ka bërë thirrje për që të mobilizohen kundra qeverisë së Kryeministrit Edi Rama që sipas ka vendosur regjimin në Shqipëri dhe po bën gjithçka për të asgjesuar opozitën. 

BerishaTë dashur qytetare dhe qytetarë, demokrate dhe demokratë, të pranishëm sonte në këtë protestë, përshëndetjet më të zjarrta, mirënjohjen më të pakufishme.

Ju misionarët e kthesës së madhe, vendimtare për fatin e demokracisë, lirisë, dinjitetit dhe të ardhmes tonë, por dhe vetë ekzistencës së kombit shqiptar.

Ju, burrat, gratë, djemtë e vajzat e kthesës, jeni frymëzimi, shpresa e pashuar e mbarë shqiptarëve. Çdo demokrat, qytetar, duhet ta ketë të qartë se në rast se sot heziton dhe nuk ngrihet kundër regjimit monist të Edi Ramës, nesër mund të jetë vonë, nesër ai pavarësisht nga qëndrimi i tij, nga vota e tij, por me indiferencën, heshtjen, ka firmosur mandatin e tij që qëndron mbi krimin, drogën dhe vjedhjen e votës.

Ndaj dhe protesta juaj, kthesa juaj në agun që ndahet terri nga drita, shpresa nga dëshpërimi, e shkuara diktatoriale nga e ardhmja, jeni pararendës të një Shqipërie tjetër, të rivendosjes së pluralizmit, votës së lirë, besimit tek Shqipëria.
Demokrate e demokratë!

Historia juaj është historia e betejave për idealet më fisnike, të larta. Historia juaj është historia e ndryshimit të vazhdueshëm për të ndryshuar Shqipëri.

Historia juaj është historia e njerëzve, e burrave dhe grave të kthesave epokale, të kthesave që ndan dritën nga terri, diktaturën nga demokracia, gënjeshtrën nga e vërteta. Të tillë jeni ju, të tillë janë demokratët."

sali berisha

Sondazh

Poll