Politike

“Ngërçi Greqi-Shqipëri, në dorë të Ramës për ta zgjidhur”, Dule: Belerit po i ndalohet e drejta Kushtetuese

Dule tha se sa i takon rregullimit të marrëdhënieve mes dy shteteve, që sipas tij në këto momente janë të acaruara, është në dorën e Ramës për t’u zgjidhur.

27 Janar 2024, 17:54 Nga r.ll
“Ngërçi Greqi-Shqipëri, në dorë të
vangjel dule

TIRANË- Vangjel Dule, kreu i PBDNJ, ka folur për çështjen e Fredi Belerit si dhe ngërçet politike mes Shqipërisë dhe Greqisë.

I ftuar në News24, ai tha se Belerit po i ndalohen të drejtat Kushtetuese. Më tej shtoi se sa i takon rregullimit të marrëdhënieve mes dy shteteve, që sipas tij në këto momente janë të acaruara, është në dorën e Ramës për t’u zgjidhur.

“Jam në pozitën e pakëndshme që të përligjem në denoncimet e para. Beleri është kryetari i zgjedhur i një bashkie, pra ka disa të drejta kushtetuese, të cilat prevalojnë mbi çdo ligj tjetër. Është Kushtetuta.

Beleri është i padënuar, prezumohet i pafajshëm dhe Kushtetuta thotë se ai që zgjidhet në krye të bashkisë, ratifikohet nga gjykata e faktit, dhe ai betohet. Kjo e drejtë është privuar me një ligj të tretë. Nuk mund të ndalohet një e drejtë kushtetuese me një ligj të nivelit të tretë”, tha ai.

“Marrëdhëniet duhet t’i shohim në disa nivele. Marrëdhëniet njerëzore është niveli i parë. Së dyti marrëdhëniet ekonomike, që nuk janë në nivelet e mëparshme. E treta marrëdhëniet politike, që janë në një moment acarimi, që ndodh për shkak të qëndrimeve të Ramës”, deklaroi Dule.

 

fredi beleri

Sondazh

Poll