Bota

Maqedonia e Veriut me një kryeministër shqiptar, Talat Xhaferi merr mandatin për formimin e qeverisë teknike

Qeveria teknike, me në krye Xhaferrin, do të funksionojë deri në zgjedhjen e qeverisë së re e cila do të formohet pas zgjedhjeve.

26 Janar 2024, 15:55 Nga M.B
Maqedonia e Veriut me një kryeministër shqiptar, Talat Xhaferi merr
Talat Xhaferri dhe Stevo Penderovski

SHKUP- Presidenti i Maqedonisë së Veriut, Stevo Pendarovski i ka dorëzuar sot mandatin për formimin e qeverisë së përkohshme, Talat Xhaferrit. Qeveria teknike, me në krye Xhaferrin, do të funksionojë deri në zgjedhjen e qeverisë së re e cila do të formohet pas zgjedhjeve. Xhaferi në pranimin e mandatit tha se qeveria e re do të formohet në bazë të ligjeve dhe Kushtetutës së vendit. Ai gjithashtu theksoi se edhe nga pozita e kryeministrit do të vazhdojë të punojë me përkushtim, përgjegjësi dhe transparencë. Të shtunën ai do të dorëzojë në Kuvend programin dhe përbërjen e qeverisë së re.

Tashmë është bërë e ditur përbërja e qeverisë teknike pasi partitë politike shpallën propozimet për ministra dhe zëvendësministra shtesë. Qeveria teknike duhet të zgjidhet dhe të votohet deri në mesnatën e së dielës.

maqedonia e veriut talat xhaferri

Sondazh

Poll

MË SHUMË