Aktualitet

Tentoi të korruptonte policin kufitar, procedohet 48-vjeçari në Kakavijë

Shqiptari me inicialet A. H. u procedua në gjendje të lirë për veprat penale "Korrupsioni aktiv i personave që ushtrojnë funksione publike" dhe "Kalimi i paligjshëm i kufirit shtetëror".

25 Janar 2024, 12:28 Nga N.F
Tentoi të korruptonte policin kufitar, procedohet 48-vjeçari në
Foto ilustruese

KAKAVIJË- Një 48-vjeçar është proceduar penalisht ditën e sotme në Kakavijë pasi tentoi të korruptonte punonjësin e Policisë Kufitare duke i ofruar 40 euro që të hynte në Shqipëri pa pasaportë. Shqiptari me inicialet A. H. u procedua në gjendje të lirë për veprat penale "Korrupsioni aktiv i personave që ushtrojnë funksione publike" dhe "Kalimi i paligjshëm i kufirit shtetëror".

Njoftimi i plotë:

PKK Kakavije/ Tentoi të korruptonte punonjësin e Policisë Kufitare, që të kalonte kufirin, në kundërshtim me ligjin, procedohet penalisht 48-vjeçari. Specialistët për Hetimin e Krimeve në DVKM Gjirokastër referuan materialet në Prokurori ku nisi procedimi në gjendje të lirë për shtetasin A. H., 48 vjeç, banues në Fier. 

Në PKK Kakavije, shtetasi A. H. ka tentuar të korruptojë punonjësin e Policisë Kufitare, duke i ofruar 40 euro, që të hynte në territorin e Republikës së Shqipërisë, në kundërshtim me ligjin (pa pasaportë). Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprat penale "Korrupsioni aktiv i personave që ushtrojnë funksione publike" dhe "Kalimi i paligjshëm i kufirit shtetëror".

kakavije korrupsion arrestim

Sondazh

Poll

MË SHUMË