Bota

La fëmijën të jetonte vetëm në apartament për dy vjet, nëna franceze dënohet me burg, i mituri mbijetoi me ushqime të konservuara

Sipas CNN, nëna e fëmijës jetonte me partnerin e saj në një apartament tjetër pesë kilometra larg dhe e vizitonte fëmijën me raste.

24 Janar 2024, 16:47 Nga r.ll
La fëmijën të jetonte vetëm në apartament për dy
foto ilustruese

FRANCË- Një nënë në Francë u dënua me 18 muaj burg javën e kaluar për braktisjen e fëmijës së saj 9-vjeçar. I mituri ishte lënë të jetonte vetëm në apartamentin e familjes në qytetin e Nersac në rajonin Charente për dy vjet, nga 2020 deri në 2022, dhe dyshohet se ka mbijetuar vetëm me ëmbëlsira dhe mallra të konservuara.

Sipas CNN, nëna e fëmijës jetonte me partnerin e saj në një apartament tjetër pesë kilometra larg dhe e vizitonte fëmijën me raste.

Kryetarja e bashkisë së Nersac, Barbara Couturier, tregoi se fëmija shpesh kishte qëndruar edhe në të ftohtë sepse nuk kishte me çfarë të ngrohej. Sidoqoftë, ai vazhdoi të ndiqte shkollën gjatë kësaj kohe dhe ishte një student i mirë, tha gjithashtu Couturier. Ajo tregoi se e njoftoi policinë lokale dhe kombëtare për rastin pasi nëna kërkoi nga shërbimet sociale të ndihmonin për të blerë ushqime.

“E takova nënën e tij në maj 2022. Ajo erdhi për të na thënë se kishte probleme financiare dhe i dhamë katër kupona për ushqim, por ajo mori disa produkte ushqimore të përpunuara në vend të kësaj, kështu që nisa të dyshoja. Disa banorë më thanë se një fëmijë jetonte vetëm, kështu që lidha të dy gjërat dhe thirra policinë lokale dhe atë kombëtare,” shpjegoi Couturier.

france

Sondazh

Poll

MË SHUMË