Sport

Sot, Kupa e Shqipërisë! Luhet për një “biletë” në çerekfinale, ja çiftet…

Kupa e Shqipërisë 2023/2024 do të rikthehet këtë të mërkurë me ndeshjet e fazës së 1/8-ave. Të tetë takimet do të luhen me sitem eliminimi në një ditë dhe ndeshjet do të nisin në orën 13:00 dhe 17:00.

24 Janar 2024, 10:30 Nga DOSJA

Sot, Kupa e Shqipërisë! Luhet për një

TIRANE - Në këtë fazë të Kupës ka disa duele interesante, ku garojnë edhe ekipet e renditura nga vendi i parë e deri në vendin e tetë në “Abissnet Superiore” për sezonin 2022-2023. Të gjitha ndeshjet do të luhen me vetëm një takim dhe skuadrat që do të kualifikohen për në çerekfinale do të vendosen të mërkurën.

Në orën 13:00 do të luhen gjashtë takime. Kryesuesit e “Abissnet Superiore”, Egnatia do të përballen me Lushnjen, ndërsa Partizani në fazën e 1/8-ave do të përballet me Apoloninë.

Tirana në këtë fazë ka si kundërshtarë Korabin, ndërsa një takim i fortë është ai mes dy skuadrave të “Abissnet Superiore”, Laçi - Dinamo. Në të njëjtën orë do të luhen edhe dy sfida të tjera që premtojnë spektakël, Kukësi - Elbasani dhe Erzeni - Bylisi.

Dy sfidat e tjera të Kupës së Shqipërisë do të startojnë në orën 17:00. Vllaznia do të përballet me Flamurtarin dhe në orën 17:00 do të luhet edhe një tjetër takim shumë i fortë mes dy skuadrave të “Abissnet Superiore”, Teuta - Skënderbeu.

Sot, Kupa e Shqipërisë! Luhet për një

B.T (Dosja.al)

Sondazh

Poll

MË SHUMË