Bota

Hezbollahu refuzon dy propozimet amerikane për të ulur tensionet me Izraelin

Burimet libaneze thanë se udhëheqja e organizatës mbetet e hapur për vazhdimin e bisedimeve diplomatike për të shmangur një përshkallëzim me Izraelin.

18 Janar 2024, 14:12 Nga N.F

Hezbollahu refuzon dy propozimet amerikane për të ulur tensionet me

Foto ilustruese

SHBA- Hezbollahu hodhi poshtë propozimet e ndërmjetësit amerikan për të ulur tensionet me Izraelin dhe për të tërhequr popullin e tij nga kufiri verior. Megjithatë, burimet libaneze thanë se udhëheqja e organizatës mbetet e hapur për vazhdimin e bisedimeve diplomatike për të shmangur një përshkallëzim me Izraelin.

"Hezbollahu është gati të dëgjojë," tha një burim i lartë i Bejrutit për Reuters por theksoi se idetë e paraqitura nga Hochstein janë "joreale".

Sipas të njëjtave burime, Hezbollahu hodhi poshtë dy propozime të parashtruara javën e kaluar, njëri donte që Hezbollahu të reduktonte zjarrin në të njëjtën kohë me zvogëlimin e intensitetit të operacioneve të IDF në Rripin e Gazës dhe tjetri që fliste për tërheqjen e Hezbollahut në distancë -shtatë kilometra nga kufiri-.

Një tërheqje deri më tani do t'i linte luftëtarët e Hezbollahut në jug të lumit Litani, në kundërshtim me Rezolutën 1701 të OKB-së. Një burim izraelit i tha Reuters se qeveria "kaloi një sërë kërkesash" dhe se "në një mënyrë apo tjetër, 80,000 veriorë do të kthehen në shtëpitë e tyre" .

hezbollahu izrael shba