Bota

Shpërthimi i vullkanit në Islandë, ekipet fillojnë shpëtimin e kafshëve të bllokuara

Me llavën e shkrirë që u vë flakën shtëpive dhe sipërfaqen e tokës së plasaritur, ekipet e shpëtimit po kërkojnë të nxjerrin rreth 270 kafshë nga fushat, shkruan The Guardian.

16 Janar 2024, 15:02 Nga N.F

Shpërthimi i vullkanit në Islandë, ekipet fillojnë

ISLANDË- 200 dele të lëna nga fermerët pas një shpërthimi vullkanik pranë qytetit të evakuuar Islandez të Grindavik janë shpëtuar pas një operacioni të  zhvilluar.  Me llavën e shkrirë që u vë flakën shtëpive dhe sipërfaqen e tokës së plasaritur, ekipet e shpëtimit po kërkojnë të nxjerrin rreth 270 kafshë nga fushat, shkruan The Guardian.

Kafshët, të cilat nuk janë ushqyer për ditë të tëra, fillimisht nuk ishin caktuar si prioritet. Aktivistët e mirëqenies së kafshëve ngritën alarmin pasi panë pamjet e makinerive të shtrenjta që merreshin nga zona e rrezikut dhe jo nga delet.Një fermer kishte bindur shpëtimtarët që ta ndihmonin të evakuonte 30 dele në skaj të qytetit të hënën në mbrëmje, por rreth 270 të tjerë janë të bllokuar në vende më të rrezikshme. 

Presidenti i Islandës tha se vendi po luftonte me "forcat e jashtëzakonshme të natyrës". Islanda ndodhet mbi një pikë të nxehtë vullkanike në Atlantikun verior dhe mesatarisht ka një shpërthim çdo katër deri në pesë vjet.

Shpërthimet e fundit nuk kanë shkaktuar vdekje të konfirmuara, por një person është zhdukur pasi raportohet se ra në një çarje. Zyra meteorologjike islandeze tha në një deklaratë se zona ishte me rrezik të lartë dhe çarje të reja mund të hapeshin pa paralajmërim.

vullkan islande shpetim kafshe

Sondazh

Poll

Bota 16 Janar 2024, 13:58 M.B

Gjermania, një vit me sfida politike

Traktorët e fermerëve duke bllokuar rrugën që çon për te Porta e Brandenburgut në Berlin më 15 janar 2024. GJERMA...

MË SHUMË