Sport

Marrëveshja mes Vinicius dhe Bellingham për penalltinë: “Ej, tjetra është për mua”…

Braziliani dhe anglezi janë ekzekutuesit e penalltive për pjesën e mbetur të sezonit

15 Janar 2024, 15:33 Nga DOSJA

Marrëveshja mes Vinicius dhe Bellingham për penalltinë:

SPANJE - Kriza e penalltive është histori te Real Madridi. Pas një fillimi sezoni, në të cilin u humbën katër goditjet e para, viti 2024 ka nisur me një mori suksesesh nga penalltitë. Joselu, kundër Arandinas dhe Vinicius, kundër Barçës, i kanë rikthyer normalitetit Madridit rreth një fati, që mund të jetë vendimtar në ndeshjet kyçe të sezonit.

Ishte Ancelotti ai që, pasi analizoi atë që ndodhi në pjesën e parë të sezonit, mori një vendim për penalltitë dhe për momentin janë tre lojtarë të ngarkuar për të marrë përgjegjësinë: Vinicius, Bellingham dhe Joselu. Dy të parët, që do të grumbullojnë më shumë minuta në fushë se sulmuesi, kështu që braziliani dhe anglezi do të jenë në krye të gjuajtjes në shumicën e rasteve të penalltive. Dhe kush është i pari në shkallë? Këtu sundojnë ndjenjat e lojtarëve në fushë.

Kundër Barcelonës ishte Vinicius ai që kërkoi të ekzekutonte penalltinë. Bellingham e kishte marrë topin i pari, por braziliani ishte në xhiro, ai donte “hat-trikun” e tij dhe Jude ia dha atë me një kusht. "Tjetra është për mua,"- kanë mbledhur kamerat e Movistar. Vini dha OK dhe e falënderoi, pasi e transformoi në gol.

Marrëveshja mes Vinicius dhe Bellingham për penalltinë:

Jude Bellingham nuk ishte në listën e gjuajtësve kur filloi sezoni, por personaliteti i tij kanë bërë që në vitin 2024 ai të jetë tashmë në mesin e ekzekutuesve kryesorë. Modric dhe Rodrygo janë gjithashtu në atë listë, edhe pse në një hap të dytë. Tani për tani, penalltitë janë për dy yjet kryesore të skuadrës: Vini dhe Bellingham.

B.T (Dosja.al)

Sondazh

Poll

MË SHUMË