Sport

Dani Alves mbushi vitin pas hekurave dhe i shtriu dorën Neymar, për t’i dhënë disa para…

Sipas mediave braziliane, ai i ka kërkuar ndihmë financiare dhe ligjore për të shmangur dënimet me burg.

10 Janar 2024, 17:29 Nga DOSJA

Dani Alves mbushi vitin pas hekurave dhe i shtriu dorën Neymar, për

SPANJE - Futbollisti i famshëm brazilian Dani Alves është në paraburgim për gati një vit për përdhunimin e dyshuar të një vajze në një klub nate në Barcelonë në fund të vitit 2022 dhe prokurorët kanë kërkuar një dënim maksimal prej 12 vitesh burg.

Edhe pse Alves i mohoi këto akuza, përfaqësuesit e vajzës së dëmtuar besojnë se kanë prova të mjaftueshme që do të prezantohen në gjyqin që do të nisë së shpejti (5 shkurt), ndërkohë që futbollisti po përpiqet në çdo mënyrë të “mbrohet”.

Kështu që Alves tani thirri bashkëlojtarin e tij të vjetër nga Barcelona dhe ekipi kombëtar brazilian, një nga futbollistët më të mirë në botë, Neymar, për ta ndihmuar. Sipas mediave braziliane, ai i ka kërkuar ndihmë financiare dhe ligjore për të shmangur dënimet me burg.

Dyshohet se Neymar ka pranuar menjëherë dhe beson se Dani Alves është i pafajshëm, ndaj ka transferuar 150 mijë euro përmes babait të tij për të ndihmuar mbrojtësin e famshëm. Sipas mediave braziliane, paratë i janë transferuar Gjykatës në Spanjë me qëllim “kompensimin e të dëmtuarit”, gjë që mund të ndikojë në uljen e dënimit të Dani Alves. Se si është e mundur kjo nuk është plotësisht e qartë, por thuhet se një ligj i tillë ekziston në Spanjë.

Gjithashtu, Dani Alves mori ndihmë nga Neymar nëpërmjet Gustavo Cist, një prej avokatëve më të mirë dhe më të vjetër që punonte në kompaninë e babait të Neymar, ndërsa Dinora Santana u "hoq" nga çështja . Ai u punësua nga ish-gruaja e Alves dhe duket se Alves nuk ka besim të plotë tek ai.

Dani Alves mbushi vitin pas hekurave dhe i shtriu dorën Neymar, për

Kujtojmë se Dani Alves është një nga mbrojtësit e djathtë më të mirë të të gjitha kohërave dhe futbollisti i dytë më trofetar në historinë e këtij sporti. Gjatë karrierës së tij të pasur si lojtar, ai fitoi 44 trofe, duke përfshirë tre Champions League me Barcelonën dhe dy Copa Americas me Brazilin.

B.T (Dosja.al)

Sondazh

Poll

MË SHUMË