Sport

Zhurmë gjatë punimeve në “Camp Nou”, banorët ankohen…

112 është numri që banorët të mund të raportojnë incidente

10 Janar 2024, 14:13 Nga DOSJA

Zhurmë gjatë punimeve në “Camp Nou”, banorët

SPANJE - Dhe prej shumë muajsh banorët e “Camp Nou” ankohen për zhurmën nga punimet e rimodelimit të stadiumit dhe këtë të mërkurë, “Betevé” raporton, se Bashkia ka aktivizuar një shërbim, që qytetarët të raportojnë parregullsitë gjatë natës dhe në këtë mënyrë t'i regjistrojnë ato.

Fqinjët do të mund të njoftojnë incidentet në numrin 112 dhe në këtë mënyrë Policia Urbane do të mund të veprojë më shpejt. Burime komunale sigurojnë mediat katalanase se në momentin e thirrjes do të aktivizohet një protokoll specifik.

Deri më tani janë raportuar tre incidente. Konkretisht, më 16 dhjetor, një fqinj në rrugën Arístides Maillol raportoi për punë që po shkaktonte shqetësim në fundjavë.  Gjithashtu ekzistenca e një vinçi që mban dritën ndezur gjithë natën dhe godet drejtpërdrejt dyshemetë. Sipas Mbrojtjes Civile janë regjistruar gjithsej 600 lloje të ndryshme.

Puna pas orarit, zhurma, dridhjet...

Zhurmë gjatë punimeve në “Camp Nou”, banorët

Që prej fillimit të punimeve para gjysmë viti, ka pasur disa ankesa për punë pas orarit, zhurmë, dridhje dhe pluhur. Si dhe instalimi i një guroreje për riciklimin e materialit ndërtimor. Në fakt fqinjët mblodhën 300 firma për mbylljen e kësaj makinerie.

Kështu do të ndërtohet Camp Nou i ri

Zhurmë gjatë punimeve në “Camp Nou”, banorët

Më 17 janar do të ketë një takim të ri mes Barcelonës dhe Bashkia, takime që zhvillohen periodikisht. Vlen të kujtohet se klubi katalanas planifikon të hapë stadiumin e ri, i cili ende nuk do të jetë qind për qind i kompletuar, në tetorin e ardhshëm.

B.T (Dosja.al)

Sondazh

Poll

MË SHUMË