Sport

E FUNDIT/ Zbulimi i bujshëm i ish-partnerit: “Schumi ulet në tavolinë për të ngrënë”...

Johnny Herbert, bashkëpilot me Michael te Benetton në 1994 dhe 1995: "Më thanë. Nuk e di nëse është e vërtetë, nuk dua të jap shpresa të rreme"

10 Janar 2024, 10:34 Nga DOSJA
E FUNDIT/ Zbulimi i bujshëm i ish-partnerit: “Schumi ulet në

ZVICER - "Më thanë se Michael mund të ulet në tryezë për drekë dhe darkë." Zbulimi i bujshëm vjen nga ish-piloti anglez Johnny Herbert, partner i Schumacher për dy sezone te Benetton në 1994 dhe 1995.

“Sinqerisht nuk e di nëse është e vërtetë, nuk dua të jap shpresa të rreme, sepse besoj sot është në të njëjtat kushte në të cilat ishte pas dy operacioneve që iu nënshtrua pas rënies së tij në ski”,- shtoi Herbert, tashmë 59 vjeç, në një intervistë të publikuar nga faqja britanike e informacionit sportiv “BettingSites”, duke specifikuar se kishte vetëm informacione të dorës së dytë. 

"Unë mund të lexoj vetëm midis rreshtave atë që më është besuar dhe madje edhe nga familja nuk kam marrë vesh më shumë, - shtoi Herbert. - Aspektet e tjera janë aspekte që të dashurit e tij duan t'i mbajnë konfidenciale.

Besoj se një konfidencialitet i tillë është për shkak të faktit se nuk ka shumë mundësi për përmirësim, ndërsa ajo që duhet të bëjmë është ta kujtojmë Schumacher siç e njihnim, shumë i shpejtë në pistë dhe duke fituar në Grand Prix”.

B.T (Dosja.al)

Sondazh

Poll

MË SHUMË