Bota

Dialogu Kosovë-Serbi/ Lajçak takim me këshilltarin e Macron: Po përgatitemi për muajt në vijim

Dialogu mes Kosovës dhe Serbisë, ka bërë që shtetet e fuqishme perëndimore të emërojnë emisarë për këtë çështje.

9 Janar 2024, 22:33 Nga r.ll
Dialogu Kosovë-Serbi/ Lajçak takim me këshilltarin e Macron: Po
foto nga takimet

PARIS-Emisari i Bashkimit Evropian për dialogun Kosovë-Serbi, Miroslav Lajçak, ka zhvilluar takimin e parë për këtë vit.

Ai ka udhëtuar në Paris për takim me Emmanuel Bonne, këshilltairn e presidentit francez, Emmanuel Macron, për dialogun Kosovë-Serbi. Lajçak tha se në takim u bisedua për përgatitjet për muajt në vijim rreth dialogut.

”Kam përfunduar vizitën time të parë të vitit 2024, e cila më çoi në Paris. Kisha takime shumë të rëndësishme dhe të dobishme në Quai d’Orsay dhe në Élysée për të përgatitur për muajt në vijim. Jam mirënjohës për mbështetjen e fortë franceze për Dialogun e lehtësuar nga BE dhe punën time”, ka shkruar Lajçak në platformën X të martën.

Dialogu mes Kosovës dhe Serbisë, ka bërë që shtetet e fuqishme perëndimore të emërojnë emisarë për këtë çështje. Madje edhe liderët e këtyre shteteve po përfshihen që të mundësohet një zgjidhje në dialogun Kosovë-Serbi. Procesi i dialogut po shoqërohet njëkohësisht në tensione në terren në pjesën veriore të Kosovës. Zyrtarët perëndimorë kanë kërkuar nga Serbia dhe Kosova përgjegjësi që situata mos të eksalojë. 

miroslav lajçak dialogu kosove-serbi

Sondazh

Poll

MË SHUMË