Bota

Plani i Gazës së pasluftës dhe përgjegjësia për dështimet e sigurisë në 7 tetor përçajnë qeverinë e Benjamin Netanyahut

Ministri i Financave deklaroi se plani i Gallant për ‘ Një ditë më pas’ është një ripërsëritje e ‘Një ditë më parë’ më 7 tetor. Ministri mbron idenë e një eksodi palestinez si e vetmja mënyrë që mund të sjellë siguri për Izraelin.

5 Janar 2024, 20:05 Nga A.TH
Plani i Gazës së pasluftës dhe përgjegjësia për
benjamin netanyahu

IZRAEL- Përçarjet në qeverinë izraelite u shfaqën publikisht të premten, ndërsa anëtarët e kabinetit debatuan mbi planet për të ardhmen e pasluftës të Gazës dhe se si të trajtohen hetimet për dështimet e sigurisë rreth sulmeve të Hamasit të 7 tetorit.

Mediat e huaja raportojnë se ministri i Financave i ekstremit të djathtë Bezalel Smotrich tha se kishte pasur një diskutim të fortë gjatë mbledhjes së kabinetit të sigurisë ndërsa ish-ministri i Mbrojtjes Benny Gantz vlerësoi se kishte ndodhur një sulm i motivuar politikisht.Në një postim publik, Smotrich e ka shprehur hapur kundërshtinë e tij ndaj planit të paraqitur nga ministry Gallant për Gazën e pas luftës.

“Plani i Gallant për ‘ Një ditë më pas’ është një ripërsëritje e ‘Një ditë përpara’ më 7 tetor. Zgjidhja në Gaza kërkon të mendosh jashtë kutisë dhe ndryshimin e konceptit duke inkurajuar migracionin vullnetar dhe kontrollin e plotë të sigurisë duke përfshirë rinovimin e zgjidhjes”, shkroi Smotrich në Facebook.

Ministri mbron idenë e një eksodi palestinez si e vetmja mënyrë që mund të sjellë siguri për Izraelin. Ndërsa ish ministri Mbrojtjes, Gantz, i cili iu bashkua qeverisë nga opozita pas 7 tetorit, tha: “Ajo që ndodhi dje ishte një sulm i motivuar politikisht në mes të një lufte. Kam marrë pjesë në shumë mbledhje të kabinetit, një sjellje e tillë nuk ka ndodhur kurrë dhe nuk duhet të ndodhë.”

Pa përcaktuar se kush e nisi debatin e fortë, Gantz konsideroi kryeministrin si fajtor për devijimin nga pikat e axhendës së mbledhjes, duke i kërkuar Netanyahut të zgjedhë midis unitetit dhe sigurisë nga njëra anë dhe politikës nga ana tjetër. Partia Likud e Netanyahut më pas sulmoi Gantz. “Gjatë një lufte, kur njerëzit janë të bashkuar, Gantz pritet të veprojë me përgjegjësi dhe të ndalojë së kërkuari justifikime për të thyer premtimin e tij për të qëndruar në qeverinë e unitetit deri në fund të luftës”, thuhet në një deklaratë. Gantz konsiderohet gjerësisht një pasardhës i mundshëm i Netanyahut kur thirren zgjedhjet.

lufta izrael-palestine benjamin netanyahu

Sondazh

Poll

MË SHUMË