Aktualitet

EMRAT/ Të dënuar nga Gjykata italiane për trafik droge, arrestohen dy pjesëtarë grupesh kriminale në Shqipëri

Të dy shqiptarët e arrestuar do të ekstradohen drejt Italisë, ku do të vuajnë dënimet përkatëse.

5 Janar 2024, 10:58 Nga I.A
EMRAT/ Të dënuar nga Gjykata italiane për trafik droge,
Foto nga arrestimi

TIRANË- Dy pjesëtarë drupesh kriminale në Itali janë arrestuar në Shqipëri. Mësohet se në pranga ka rënë Dritan Idrizi alias Dritan Xhepexhiu dhe Elion Bejo. Mësohet se të dy shqiptarët e arrestuar janë të dënuar nga gjykata e Breshias për trafik droge. Të dy shqiptarët e arrestuar do të ekstradohen drejt Italisë, ku do të vuajnë dënimet përkatëse.

Njoftimi i Policisë:

Policia e Shtetit Finalizohen brenda 24 orëve, 2 operacione policore, për kapjen e 2 pjesëtarëve të një grupi kriminal në Itali, të implikuar në shitje dhe trafikim të sasive të mëdhaja të heroinës dhe kokainës. Operacionet, nga Drejtoria e Forcës së Posaçme Operacionale të DPPSh-së, në bashkëpunim me Interpol Tiranën, me DVP Tiranë dhe me DVP Gjirokastër. 2 shtetasit e shpallur në kërkim ndërkombëtar, me masë sigurie “Arrest në burg”, nga Gjykata e Breshias, u ndaluan me qëllim ekstradimin në Itali.

Njëri nga këta shtetas u ndalua në Tiranë, gjatë operacionit “Alias”. Shtetasi tjetër u ndaluar në Përmet, gjatë operacionit “The zone”. Si rezultat i aksioneve të shpejta, të koordinuara dhe profesionale të shërbimeve të Drejtorisë së Forcës së Posaçme Operacionale të DPPSh-së, si dhe i shkëmbimit të informacioneve, ndërmjet Interpol Tiranës dhe partnerëve italianë, brenda 24 orëve, në bashkëpunim me policitë vendore të Tiranës dhe të Gjirokastrës, janë finalizuar 2 operacione për kapjen dhe vënien në pranga të shtetasve të shpallur në kërkim ndërkombëtar, nga Interpol Roma. Konkretisht:

-në Tiranë, në kuadër të operacionit “Alias”, u kap dhe u vu në pranga shtetasi D. I. alias D. Xh., 37 vjeç. Gjykata e Breshias i ka caktuar 37-vjeçarit, masën e sigurisë “Arrest në burg”, pasi akuzohet se gjatë periudhës 01.10.2019-31.01.2020, në bashkëpunim me shtetas të tjerë, ka trafikuar sasi të mëdhaja të lëndës narkotike kokainë, kryesisht në qytetet Bergamo dhe Breshia; -në Përmet, në kuadër të operacionit “The zone”, u kap dhe u vu në pranga shtetasi E. B., 40 vjeç. Gjykata e Breshias i ka caktuar 40-vjeçarit, masën e sigurisë “Arrest në burg”, pasi akuzohet se gjatë periudhës 07.10.2019-26.10.2019, në bashkëpunim me shtetas të tjerë, ka shitur lëndë narkotike heroinë dhe kokainë, në doza, me vlerë rreth 17 000 euro. Interpol Tirana po bashkëpunon me Interpol Romën, për të ekstraduar 2 shtetasit, në Itali. Materialet procedurale i kaluan prokurorive përkatëse, për veprime të mëtejshme.

 

elion bejo dritan idrizi dritan xhepexhiu

Sondazh

Poll

MË SHUMË