Sport

Shkarkimi nuk e ka shokuar! Wayne Rooney nuk heq dorë nga karriera e tij si trajner, edhe pasi u shkarkua nga Birmingham…

Atëherë, në tetor, Birmingham ishte e gjashta në tabelën e renditjes, ndërsa tani është e 20-ta me 28 pikë dhe është gjashtë pikë larg zonës së rënies.

3 Janar 2024, 18:19 Nga DOSJA
Shkarkimi nuk e ka shokuar! Wayne Rooney nuk heq dorë nga karriera e tij si

ANGLI - Ish-ndërkombëtari i futbollit anglez Wayne Rooney nuk do të heqë dorë nga karriera e tij si trajner, edhe pas shkarkimit të tij në Birmingham, raportojnë mediat britanike.

Drejtuesit e kategorisë së dytë të futbollit anglez e shkarkuan Rooneyn të marten, pas vetëm 83 ditësh dhe 15 ndeshjesh, për shkak të rezultateve të dobëta. Rooney tani do të marrë një pushim më të gjatë nga futbolli për të bërë një bilanc dhe për të menduar se çfarë të bëjë më pas.

Ai në deklaratë ka thënë se “do t’i duhet pak kohë për ta kapërcyer këtë dështim”, dhe siç raporton “Sky”, Rooney është i zhgënjyer për mënyrën se si u shkarkua dhe u lëndua nga ofendimet e disa fansave.

Më 1 janar, Birmingham humbi në “Elland Road” kundër Leeds me 0-3, dhe më pas Rooney u fye nga tifozët si mysafirë dhe vendas.

Pavarësisht kësaj, “Sky”-t i është thënë se Rooney ka ambicie të mëdha për t'u bërë një top menaxher dhe kjo nuk është dëmtuar nga shkarkimi. Megjithatë, ai nuk do të shqyrtojë asnjë ofertë pune për momentin.

Drejtuesit e Birminghamit ende nuk kanë rënë dakord me Rooneyn për kompensimin për shkarkimin. Bisedimet për këtë nuk janë bërë. Ish-kapiteni i Manchester United mori drejtimin nga Birmingham në tetor kur nënshkroi një kontratë trevjeçare e gjysmë.

Skuadra atëherë ishte e gjashta në tabelën e kampionatit, ndërsa tani është e 20-ta me 28 pikë dhe është gjashtë pikë larg zonës së rënies.

B.T (Dosja.al)

Sondazh

Poll

MË SHUMË