Politike

Gjyqi ndaj Berishës, avokatët mbërrijnë në GJKKO, Mëngjesi: Kemi dorëzuar me postë kërkesën tjetër për përjashtimin e Irena Gjokës

Duke folur për mediat, Mëngjesi tha se sot ka marrë vendimin e parë të gjykatëses Rudina Palloi për refuzimin e përjashtimit të gjyqtares Irena Gjoka nga çështja.

30 Dhjetor 2023, 11:52 Nga I.A
Gjyqi ndaj Berishës, avokatët mbërrijnë në GJKKO,
GJKKO

TIRANË- Avokatët e kryedemokratit Sali Berisha, Genc Gjokutaj dhe Sokol Mëngjesi kanë mbërritur pranë ambienteve të Gjykatës së Posaçme. Duke folur për mediat, Mëngjesi tha se sot ka marrë vendimin e parë të gjykatëses Rudina Palloi për refuzimin e përjashtimit të gjyqtares Irena Gjoka nga çështja. Ndërkohë, Mëngjesi tha se ka njoftuar sekretarinë për kërkesën e dytë të nisur me postë.

“E kemi dërguar kërkesën për përjashtimin e gjyqtares në formë që parashikon ligji. Tani erdha për të tërhequr vendimin. Sapo mora vendimin e parë të Rudina Palloit për refuzimin e përjashtimit. Tani njoftova sekretarinë për kërkesën që kemi nisur me postë. Por pres marrjen e provave mënyrën si është shortuar Palloi për të marrë vendimin dhe mendimin e gjyqtares Gjoka për kërkesën”, tha ai.

gjkko genc gjokutaj sokol mëngjesi sali berisha

Sondazh

Poll