Sport

Mourinho: “Nuk kam asnjë informacion se Renato Sanches do të largohet nga ne”...

Trajneri është pyetur për portugezin në konferencën për ndeshjen e Romës nesër me Juventusin (20:45)

29 Dhjetor 2023, 17:03 Nga DOSJA

Mourinho: “Nuk kam asnjë informacion se Renato Sanches do të

ITALI - José Mourinho tha këtë të premte se nuk ka informacion, që e ardhmja e afërt e Renato Sanches përfshin një rikthim në PSG. Lojtari portugez është dëmtuar në pjesën më të madhe të sezonit dhe shtypi italian raportoi synimin e klubit për të përfunduar huazimin, por trajneri garanton se ai nuk ka një indikacion të tillë.

"Nuk kam asnjë informacion se Renato do të largohet nga ne. Nuk kam asnjë indikacion pronarët apo Tiago Pinto. Të gjithë e dinë që situata është e komplikuar",- shpjegoi Mourinho, duke treguar se ende nuk ka vendosur nëse ndërkombëtari portugez do të udhëtojë me skuadrën për në Torino, ku nesër Roma do të përballet me Juventusin (20:45).

Trajneri u pyet gjithashtu për mundësinë që verdhekuqtë të nënshkruajë me Leonardo Bonuccin, qendërmbrojtës italian nga Union Berin, i cili do të ishte i interesuar të rikthehej në Serie A. "Nuk mund të flas për Bonuccin, sepse ai nuk është një nga lojtarët tanë. Lojtari i Union Berlin dhe kjo është arsyeja pse nuk ndihem rehat të flas për të”.

B.T (Dosja.al)

Sondazh

Poll

MË SHUMË