Sport

Tiranës dhe Partizanit i duhet sulmues, Shehi gati t’i “vjedhë“ laçianin bardhebluve!

Në këto kushte dyshja do të ribashkohej sërish, teksa para dy vitesh fituan së bashku titullin kampion me Tiranën, ndërsa synojnë të bashkojnë forcat për të triumfuar me fanelën e kuqe.

29 Dhjetor 2023, 11:52 Nga DOSJA
Tiranës dhe Partizanit i duhet sulmues, Shehi gati t’i

TIRANE - Partizani do të bëjë disa afrime në merkaton e janarit, me drejtuesit që do të kërkojnë të plotësojnë organikën e skuadrës me lojtarët që Orges Shehi kërkon për formacionin e tij. Në këto kushte një nga repartet ku durrsaku kërkon detyrimisht të ndërhyhet është sulmi.

Ish-i i Tiranës kërkon një “gjahtar” goli, i cili do të merrte përsipër të gjithë peshën e sulmit dhe pikërisht për këtë një nga dëshirat e tij është Redon Xhixha sipas mediave azere. Pavarësisht se laçiani është përfolur vazhdimisht ditët e fundit për një kalim të mundshëm te Tirana, duket se kalimi i Shehit te Partizani do të ndryshojë rrjedhën e historisë.

Në këto kushte dyshja do të ribashkohej sërish, teksa para dy vitesh fituan së bashku titullin kampion me Tiranën, ndërsa synojnë të bashkojnë forcat për të triumfuar me fanelën e kuqe. Merkatoja do të jetë e zhurmshme dhe pritet që në ditët në vazhdim të mësojmë nëse Xhixha do të largohet nga Qarabag për Partizanin apo do të vazhdojë karrierën në Azerbajxhian.

B.T (Dosja.al)

Sondazh

Poll

MË SHUMË