Sport

Grabitësit sulmojnë shtëpinë e Grealish-it me familjen brenda, Jack luante me City-n kundër Evertonit... Vjedhja ishte e madhe

Hajdutët arritën të marrin plaçka me vlerën e një milion euro.

29 Dhjetor 2023, 11:25 Nga DOSJA
Grabitësit sulmojnë shtëpinë e Grealish-it me familjen

ANGLI - Jack Grealish ka qenë lojtari i fundit që është viktima e një grabitjeje në shtëpinë e tij. Futbollisti ishte duke luajtur një ndeshje me Manchester City kundër Everton në qytetin e Liverpool.

Ata që ishin në shtëpi, duke parë ndeshjen në televizor ishin prindërit e tij, dy motrat, vëllai dhe gjyshja. Të gjithë e kuptuan se diçka nuk shkonte, kur filluan të dëgjonin lehjen e qenve pas disa zhurmave të dyshimta lart. Sipas “The Sun”, një burim pranë familjes thekson se "askush nuk është lënduar, por ka pasur shumë panik."

"Të gjithë ishin të tmerruar, sepse ishin shumë të prekshëm. Është një pronë e madhe, kështu që është e kuptueshme që askush nuk dëgjoi gjë në fillim. Ishte gjithashtu hera e parë që familja mblidhej e gjitha së bashku, kështu që ata nuk ishin të njohur ende mirë me pronën”,- komentoi ky burim anonim.

Falë reagimit të qenve të tyre, familja mundi të shtypte alarmin, në mënyrë që policia të arrinte shpejt dhe të shmangte dëmtimet personale. Megjithatë, grabitësit kishin kohë të mjaftueshme për të marrë bizhuteri dhe ora me vlerë deri në një milion euro dhe të arratiseshin nga shtëpia pa u arrestuar.

B.T (Dosja.al)

Sondazh

Poll

MË SHUMË