Sport

Dëmtimi i Tsimikas, mundësi për të humbur “play-off”-in e Ligës së Kombeve...

Sipas "Times", stafi i Liverpoolit i shqetësuar se Kostas Tsimikas ka pësuar një thyerje të kockave dhe nëse frika e tyre konfirmohet, ai do ta ketë të vështirë të jetë i gatshëm për në “play-off” të Ligës së Kombeve për Greqinë.

24 Dhjetor 2023, 08:30 Nga DOSJA

Dëmtimi i Tsimikas, mundësi për të humbur

ANGLI - Mesazhet e para për gjendjen shëndetësore të Kostas Tsimika janë shqetësuese, me Liverpoolin që rrezikon të humbasë edhe mbrojtësin e dytë të majtë (Robertson ka bërë edhe një operacion shpatullën) dhe kombëtarjass greke një lojtar kyç.

Sipas një gazetari të Times, stafi i Liverpoolit ka frikë se ndërkombëtari i majtë grek ka pësuar një thyerje të klavikulës. Nëse kjo mundësi konfirmohet, atëherë mbrojtësi do ta ketë të vështirë të jetë gati për “play-off”-in e Ligës së Kombeve, ku kombëtarja greke do të kërkojë kualifikimin në fazën finale të “Euro 2024”.

Në minutën e 33-të të derbit të Liverpoolit me Arsenalin, Boukayo Saka në tentativën e tij për të vjedhur topin, e shtyu mbrojtësin grek, i cili u përplas me Jurgen Klopp dhe trajneri i tij u rrëzua në tokë. Tsimika është dërguar menjëherë në spital.

Nëse shkalla e dëmtimit konfirmohet, Tsimikas do të jetë jashtë fushës për tre muaj dhe për këtë arsye ka shumë pak gjasa të jetë gati për ndeshjen kundër Kazakistanit më 21 mars.

Në sezonin aktual greku Kostas Tsimika  ka bërë 17 ndeshje në të gjitha garat për Reds dhe ka dhënë tre asistime.

B.T (Dosja.al)

Sondazh

Poll

MË SHUMË