Aktualitet

Irani përforcon legjislacion për gratë që nuk vendosin hixhab

Dy dokumente të muajit prill dhe maj zbulojnë se gjyqësori mund të krijojë gjykata të lëvizshme në vende publike si qendrat tregtare për të ndëshkuar shkeljet e kodit të veshjes.

20 Dhjetor 2023, 20:59 Nga A.TH
Irani përforcon legjislacion për gratë që nuk vendosin
Foto Ilustruese

IRAN- Qeveria iraniane përforcon legjislacionin për të goditur femrat që nuk mbajnë hixhab. Dokumentet shumë konfidenciale të siguruara nga BBC Persian tregojnë se si Irani godet edhe njerëz të famshëm, kryesisht blogerë e influencerë të cilët do të dënohen me 10 vjet burg me akuzën për promovimin e korrupsionit në rast së këta të fundit kundërshtojnë udhëzimet për mbajtjen e hixhabit.

BBC shkruan se dy dokumente të muajit prill dhe maj zbulojnë se gjyqësori mund të krijojë gjykata të lëvizshme në vende publike si qendrat tregtare për të ndëshkuar shkeljet e kodit të veshjes. Megjithatë, një gazetë iraniane që botoi një pjesë të shkurtër të njërës prej direktivave u akuzua për publikimin e dokumenteve të klasifikuara. Disa nga direktivat u përfshinë në projektligjin e diskutueshëm për Hixhabin dhe Dlirësinë që aktualisht po shqyrtohet nga mbikëqyrësi i Këshillit të Gardës përpara se të bëhet ligj.

Në qendër të këtyrë dokumentave të klasifikuara janë gratë. Ministria e arsimit ka të drejtë të përgatisë dokumentacionin e nevojshëm në lidhje me vajzat e zhveshura. Oficerët mund të vulosin ose mbyllin pa leje çdo dyqan ose biznes tjetër që nuk respekton rregulloret e hixhabit dhe që çdo klienti që i shkel ato duhet t'i mohohet shërbimi, të detyrohet të largohet ose t'i dorëzohet gjyqësorit.

Kafenetë e konsideruara si "qendra korruptuese" për shkak të rolit që luajtën në protestat e vitit të kaluar duhet të mbyllen, veçanërisht ato pranë shkollave dhe universiteteve. Në dokument thuhet se oficerët janë të autorizuar të nisin procedurat ligjore kundër grave që i rezistojnë paralajmërimeve për të mbuluar flokët me akuza përfshirë promovimin e korrupsionit.Një pjesë e konsiderueshme e direktivave në dokumentet e zbuluara tashmë janë zbatuar, duke përfshirë ngritjen e njësive të zbatimit të hixhabit brenda stacioneve të metrosë dhe hapësirave të tjera publike, konfiskimi i makinave që transportojnë femra të pambuluara, refuzimi i shërbimeve për gratë që shkelin kodin e veshjes dhe mbyllja e kafeneve.

Ministri i Brendshëm Ahmad Vahidi miratoi direktivat e përfshira në dy dokumente të shënuara si shumë konfidenciale.
Në muajt e fundit iranianët kanë vënë re praninë e zbatuesve të hixhabit në stacionet e metrosë në të gjithë kryeqytetin, Teheran. Ministria e Brendshme dhe bashkia e Teheranit i kanë përshkruar ata si forca të vetë-motivuara që nuk kërkojnë licencë për aktivitetet e tyre.

ahmad vahidi

Sondazh

Poll

MË SHUMË