Aktualitet

L'Espresso zbulon dokumentin: 300 milionë euro shkojnë "marrëzitë" e marrëveshjes mes Italisë dhe Shqipërisë për emigrantët

Raportin teknikë i nënshkruar nga Biagio Mazzotta, kreu i Kontabilitetit të Përgjithshëm Shtetëror është quajtur nga media italiane si një "marrëzi" me kosto shumë të larta.  

20 Dhjetor 2023, 17:42 Nga h.k
L'Espresso zbulon dokumentin: 300 milionë euro shkojnë
Edi Rama dhe Meloni

ITALI-Zbulohet se çfarë është në të vërtetë brenda paktit, i quajtur memorandum mirëkuptimi, midis Kryeministres italiane Giorgia Meloni dhe Kryeministrit Edi Rama. Raportin teknikë i nënshkruar nga Biagio Mazzotta, kreu i Kontabilitetit të Përgjithshëm Shtetëror është quajtur nga media italiane si një "marrëzi" me kosto shumë të larta.  

Është një dokument kompleks i nënshkruar mbrëmë pas një analize kostoje po aq komplekse. 

Jo paratë, jo ekscentricitetet, jo politika, por kushtet e këtyre vendeve të egra dhe të thella në Shqipëri janë tema e parë:

“E gjithë zona nuk është e pajisur me kanalizime publike. Për shkarkimin e ujërave të zeza është e nevojshme të krijohet një rezervuar depozitimi me kapacitet të përshtatshëm për t'u zbrazur periodikisht me një makinë vetë-kulluese ose, si alternativë, është e nevojshme të krijohet një pastrues”. 

Ky është porti i Shëngjinit, 70 km në veri të Tiranës, i cili do të përfshijë zyrën e shëndetësisë detare dhe kufitare. Është porta e Italisë në territorin e huaj dhe jo evropian, për emigrantët e shpëtuar në det, jo gra, jo fëmijë, por burra.

Uji i pijshëm merret nga një depo me një pompë, që nuk është e mjaftueshme për të mbuluar të gjithë qendrën. Është e nevojshme të parashikohet ndërtimi i rezervuarëve për të siguruar ujin në kamp.

Po ashtu thuhet se zona në tërësi nuk është urbanizuar, prandaj është e nevojshme të ndërmerren hapa për largimin e dherave, prerjen e pemëve, shembjen e rrënojave ekzistuese, si dhe ndërtimi i rrugëve dhe infrastrukturës, për hyrjen në zonë dhe brenda saj. Po ashtu, sipas marrëveshjes, përdorimi i personelit të Ministrive të Brendshme, të Drejtësisë, e të Shëndetësisë në Shqipëri, përfshirë udhëtime, ushqim dhe strehim, kërkon fonde shtesë prej 57,7 milionë eurosh. Sipas gazetës italiane l’Espresso, 10 Qendrat e Përhershme të emigrantëve në territorin italian kanë kushtuar 52 milionë euro për katër vjet, ndërsa transformimi i Shëngjinit dhe veçanërisht Gjadrit do të kushtojë të paktën pesë herë më shumë për pesë vitet e ardhshme.

Protokolli i nënshkruar nga Italia dhe Shqipëria ka një vlerë prej 230 milionë eurosh. Për më tepër, janë edhe 75 milionë të tjera për eksportin dhe lidhjen e sistemit gjyqësor italian me Shqipërinë. Fatura totale shkon më shumë se 300 milionë euro.

L'Espresso zbulon dokumentin: 300 milionë euro shkojnë
Relacioni

 

marreveshja e refugjateve rama-meloni

Sondazh

Poll

MË SHUMË