Politike

SPAK kërkon arrestimin/ Do njohë vendimin e gjykatës? Berisha: Do ta denoncoj, por do ta pranoj

Berisha tha se partinë do e drejtonte "nga thellësitë e çdo qelie’ dhe se do e çonte drejtë fitores".

14 Dhjetor 2023, 21:48 Nga h.k
SPAK kërkon arrestimin/ Do njohë vendimin e gjykatës? Berisha: Do
Sali Berisha

TIRANË-Kryetari i Partisë Demokratike, Sali Berisha deklaroi se edhe nëse SPAK vendos masën e sigurisë arrest në shtëpi, do të vijojë të drejtojë PD. I ftuar në Opinion, Berisha tha se partinë do e drejtonte "nga thellësitë e çdo qelie’ dhe se do e çonte drejtë fitores". Berisha theksoi do të denoncojë veprimin e prokurorisë por do ta zbatojë. 

REPLIKAT NË STUDIO:

Blendi Fevziu: Zoti Berisha për të marrë përgjigje, nëse parlamenti në seancën plenare në 21 më e mundshmja, ndoshta edhe në Janar, por po marr 21-shin (Dhjetor), vendos që të aprovojë kërkesën e SPAK me shumicë votash dhe SPAK i drejtohet gjykatës, ju do ta njihni vendimin e gjykatës për rëndimin e masës suaj së sigurisë?

Sali Berisha: Unë pas vendimit të parlamentit do pranoj të gjithë procedurën.

Blendi Fevziu: Dakord, nëse thoni që do pranoni çdo lloj procedure…

Sali Berisha: Do ta denoncoj, por do ta pranoj, tjetër problem.

Blendi Fevziu: Denoncimi është e drejta juaj, por do ta pranoni, do ta zbatoni?

Sali Berisha: Pa asnjë diskutim. Në qoftë se këta shkonin në parlament dhe kërkonin autorizimin për një dy tre,  unë nuk kisha asnjë… sepse Sali Berisha është personi që ka kërkuar të abrogohet totalisht neni 70 i Kushtetutës për imunitetin, të mos ekzistojë.

Këshilli i mandateve në Kuvendin e Shqipërisë do të mblidhet ditën e hënë në 18 dhjetor për të shqyrtuar kërkesën e SPAK për ndryshimin e masës së sigurisë së Kreut të Partisë Demokratike, Sali Berisha. Partia Demokratike ka njoftuar protestë ditën e hënë përpara kryesisë së Kuvendit./Dosja.al

sali berisha

Sondazh

Poll

MË SHUMË