Bota

Mediat italiane: Gjykata Kushtetuese “dush të ftohtë” për Ramën dhe Melonin

Gjykata u vu në pikëpyetje nga dy ankesa të paraqitura veçmas nga Partia Demokratike Shqiptare dhe 28 deputetë të tjerë të rreshtuar përkrah ish-kryeministrit të qendrës së djathtë, Sali Berisha. 

13 Dhjetor 2023, 20:07 Nga h.k
Mediat italiane: Gjykata Kushtetuese “dush të ftohtë”
Rama-Meloni

ITALI-Marrëveshja, sipas deputetëve që apeluan, është në kundërshtim me Kushtetutën dhe konventat ndërkombëtare në të cilat Shqipëria aderon. Për çështjen e emigrantëve, Gjykata Kushtetuese e Shqipërisë ka njoftuar pezullimin e procedurave parlamentare për miratimin e marrëveshjes Rama-Meloni, të planifikuar për të enjten.

Gjykata u vu në pikëpyetje nga dy ankesa të paraqitura veçmas nga Partia Demokratike Shqiptare dhe 28 deputetë të tjerë të rreshtuar përkrah ish-kryeministrit të qendrës së djathtë, Sali Berisha. Apeli pretendon se marrëveshja është në kundërshtim me Kushtetutën dhe konventat ndërkombëtare të cilave Shqipëria aderon. Kjo do të thotë se ratifikimi parlamentar i marrëveshjes pezullohet derisa gjyqtarët të japin mendimin e tyre.

Marrëveshja parashikon që Italia mund të ndërtojë dy qendra në Shqipëri për menaxhimin e emigrantëve deri në një fluks vjetor prej 36 mijë personash. “La Stampa” e quan këtë vendim si një “dush të ftohtë”, për qeverinë Meloni, pikërisht në ditën kur kryeministrja italiane mori mbështetjen e plotë nga presidentja e Komisionit Evropian von der Leyen. Edhe “Corriere della Sera”, ka pasqyruar në faqen e saj të parë lajmin e se Gjykata Kushtetuese pezulloi ratifikimin e marrëveshjes Meloni-Rama për emigrantët.

"Burime sqarojnë se nuk duan të komentojnë vendimin e Gjykatës shqiptare, pasi është një vendim i një gjykate kushtetuese të një vendi të tretë. Në të njëjtën kohë, megjithatë, nënvizohet se nuk ka asnjë shqetësim për ndonjë vonesë në zbatimin e Memorandumit, për ratifikimin e të cilit Kuvendi i Tiranës do të presë tashmë vendimin e Gjykatës”, shkruan ANSA.

marreveshja rama-meloni

Sondazh

Poll

MË SHUMË