Bota

Britania e Madhe akuzon kompaninë Meta: Po krijon hapësira për abuzuesit seksualë të fëmijëve

Qeveria dhe aktivistët e sigurisë së fëmijëve janë të shqetësuar se kriptimi do t'u mundësojë abuzuesve të shmangin zbulimin kur fëmijët marrin dhe dërgojnë imazhe të abuzimit seksual.

7 Dhjetor 2023, 22:57 Nga A.TH

Meta

ANGLI- Kompania Meta e Mark Zuckerberg u akuzua nga qeveria e Mbretërisë së Bashkuar për fuqizimin e abuzuesve seksualë të fëmijëve, pasi firma e teknologjisë filloi të përdorë enkriptimin automatik të të gjitha mesazheve në platformat e saj Facebook dhe Messenger. Sekretari i Brendshëm, James Cleverly, e përshkroi lëvizjen si një hap mbrapa për sigurinë e fëmijëve, pasi Meta tha se do të prezantonte kriptimin “end to end” në aplikacione. Lëvizja do të thotë që vetëm dërguesi dhe marrësi i mesazheve në platforma do të jenë në gjendje të aksesojnë përmbajtjen e tyre.

“Zbatimi i ligjit, organizatat bamirëse dhe partnerët tanë të ngushtë ndërkombëtarë bien dakord: këto plane për të përhapur enkriptimin në “end to end” pa masat e duhura të sigurisë do të fuqizojnë abuzuesit seksualë të fëmijëve dhe do të pengojnë aftësinë e policisë dhe Agjencia Kombëtare e Krimit për të sjellë para drejtësisë shkelësit”, u shpreh Ministri i Brendshëm.

Veçoritë e reja do të jenë të disponueshme menjëherë, por Meta tha se do të duhet pak kohë që enkriptimi të shpërndahet në më shumë se një miliard përdorues si opsion i paracaktuar. Përdoruesit do të marrin një kërkesë për të vendosur një metodë rikuperimi për të rivendosur mesazhet e tyre pasi të përfundojë tranzicioni. Thirrjet gjithashtu do të jenë të koduara. Qeveria dhe aktivistët e sigurisë së fëmijëve janë të shqetësuar se kriptimi do t'u mundësojë abuzuesve të shmangin zbulimin kur fëmijët marrin dhe dërgojnë imazhe të abuzimit seksual.

Enkriptimi nga “end to end” nuk do të zbatohet për Instagram për momentin. Meta tha në gusht se ndryshimi do të zbatohej në Instagram menjëherë pas përfundimit të përmirësimit të Messenger. Bisedat në WhatsApp, gjithashtu në pronësi të Metës, tashmë janë të koduara. Një zëdhënës i Meta tha se kompania ka marrë masa të forta sigurie për produktet e saj, si kufizimi i mesazheve për mbi 19-vjeçaret nga adoleshentët që nuk i ndjekin ato.

meta mark zuckerberg