Politike

"Nuk ka fatkeqësi si kjo për vendin"/ Berisha: Sot Balla përfaqëson narkoshtetin në Komisionin e Sigurisë

Berisha tha se sapo të vendoset një datë se kur do të mbahet protesta, do të bëhet e ditur.

6 Dhjetor 2023, 11:16 Nga A.B
"Nuk ka fatkeqësi si kjo për vendin"/ Berisha: Sot Balla
Sali Berisha

TIRANË- Kryetari i Partisë Demokratike, Sali Berisha, gjatë një prononcimi te Kryesia e Kuvendit, tha se nuk ka përqeshje më të madhe për këtë komb se të vendoset në krye të sigurisë së vendit, Taulant Balla, një individ i akuzuar në sallat e gjyqit si njeri që ka porositur vrasje. Më tej, ai shtoi se sapo të vendoset një datë se kur do të mbahet protesta, do të bëhet e ditur.

DEKLARATA E BERISHËS:

U vendos të vazhdojë mosbindja civile me të gjithë varitetet e saj. Nje pjesë e deputetëve janë tani në Komisionin e Sigurisë, ku njëri nga kriminelët më të rrezikshëm me kollare, të Shqipërisë deh rajonit, do referojë në emër të krimit dhe drogës dhe të lidhjeve të tij që ka.

Nuk ka përqeshje më të madhe për këtë komb se të vendoset në krye të sigurisë së vendit, një individ i akuzuar në sallat e gjyqit si njeri që ka porositur vrasje. I cili ka shoqëruar narkotrafikantin, bosin Edmond Bego, 54 herë me ngarkesa droge nga Tirana jashtë vendit. I cili ka shoqëruar Pëllumb Gjokën disa herë nga Tirana në Romë. Në fakt ka mbrojtur me pasaportën e tij diplomatike, transportin e drogës për klanet kriminale.

Përveç kësaj Balla është i njohur me lidhjet e tij me Bajrat, si një zar i tyre, ku në regjistrime ata shprehen se me të e kemi zgjidhur problemin e ligjit të lojërave të fatit. Po ashtu me Rrajat, me bandën e Elbasanit, ku ky merret me tenderat që duhet të fitojë një nga banditët e Elbasanit. Pra, sot ky përfaqëson narkoshtetin në Komisionin e Sigurisë. Nuk ka fatkeqësi si kjo për vendin dhe ne e denoncojmë.

sali berisha

Sondazh

Poll

MË SHUMË