Sport

Buffon bën ‘profesorin’: “Donnarumma tani ka forca të mira për të përballuar kritikat”

Në hapësirat e mbledhjes së Shoqatës së Futbollistëve Italianë, të hënën në mbrëmje, Gianluigi Buffon mbrojti portierin e Paris-SG pas gabimit të tij të pabesueshëm dhe kartonit të kuq të marrë këtë fundjavë në Le Havre.

5 Dhjetor 2023, 14:53 Nga DOSJA

Buffon bën ‘profesorin’: “Donnarumma tani ka forca

ITALI - Pasi bëri disa gabime me pasoja të rënda, Gianluigi Donnarumma është gjendur në trazira prej disa ditësh. Portieri i PSG-së u kritikua ashpër për lojën e tij kundër Monacos më 24 nëntor (5-2), pas një gabimi të rifillimit që rezultoi në gol. 

Të martën, më 28 nëntor, ndaj Newcastle në Champions League (1-1), ai bëri një gabim, duke larguar me dorë një top në këmbët e Aleksandër Isakut. Më në fund, të dielën kundër Le Havre (2-0), italiani (24 vjeç, 60 ndeshje) ishte fajtor për një dalje të pa kontrolluar kundër një kundërshtari, gjë që çoi në përjashtimin e tij logjik me karton të kuq.

Ish-portieri i PSG-së gjatë sezonit 2019-2020, Gianluigi Buffon foli për vështirësitë aktuale të bashkatdhetarit të tij në portën pariziene dhe nuk u shqetësua për vërejtjet negative që i bëhen rregullisht. 

“Mendoj se Gianluigi Donnarumma tani ka forca të mira për të përballuar kritikat. Besoj se kur konsiderohesh si një nga tre portierët më të mirë në botë, sot është normale që çdo gabim të lindë këto lloj polemikash. Nuk ka asgjë të re nën këtë diell”.

B.T (Dosja.al)

Sondazh

Poll

MË SHUMË