Bota

"Netanyahu të sqarohet"/ Macron: Eleminimi i Hamasit rrezikon 10 vjet luftë për Izraelin

Ndërkohë, presidenti francez, bëri me dije sot se do të udhëtojë drejt Katarit, për të gjetur një rrugë për të arritur tek armëpushimi.

2 Dhjetor 2023, 23:01 Nga A.TH
"Netanyahu të sqarohet"/ Macron: Eleminimi i Hamasit rrezikon 10
emmanuel macron

DUBAI- Presidenti francez, Emmanuel Macron komentoi sot nga Dubai deklaratën e kryeministrit Benjamin Netanyahu se do të eliminojë Hamasin. Sipas presidentit francez, objektivi i shkatërrimit total të Hamasit duhet të sqarohet nga Izraeli, sepse rrezikon të gjenerojë dhjetë vjet luftë.

"Shkatërrimi total i Hamasit, çfarë është? A mendon dikush se është e mundur? Nëse po, lufta do të zgjasë dhjetë vjet dhe nuk mendoj se dikush di ta përcaktojë seriozisht këtë qëllim. Kështu që ky qëllim duhet të sqarohet. " tha Macron nga Dubai, duke shtuar se lufta e mirë kundër terrorizmit nuk është një bombardim sistematik dhe i përhershëm.

Ndërkohë, presidenti francez, bëri me dije sot se do të udhëtojë drejt Katarit, për të gjetur një rrugë për të arritur tek armëpushimi. Edhe pse marrëveshja u shkel dhe kanë rinisur luftimet faktori ndërkombëtar vijon të këmbëngulë që një tjetër marrëveshje duhet të zgjidhje ccështjen e pengjeve dhe armëpushimit.

emmanuel macron

Sondazh

Poll

MË SHUMË