Aktualitet

Zjarri në azilin në Fier/ Të moshuarit rrëfejnë momentet e panikut: Kishte shumë tym, u asfiksuam, nuk dilnim dot

Ata kanë vlerësuar përkujdesjen e stafit përgjatë gjithë natës teksa presin rikthimin në strehën e tyre.

30 Nëntor 2023, 11:17 Nga r.ll
Zjarri në azilin në Fier/ Të moshuarit rrëfejnë
nje nga te moshuarit

FIER- Shtëpia e të moshuarve në Fier është përfshirë nga flakët pasditen e djeshme duke shkaktuar panik tek të moshuarit.

Si pasojë, 50 të moshuar që jetojnë në këtë institucion, janë strehuar në spitalin rajonal të Fierit. Ata kanë vlerësuar përkujdesjen e stafit përgjatë gjithë natës teksa presin rikthimin në strehën e tyre. Një nga ato ka treaguar edhe momentet e frikës nga zjarri

“U tremba. Kishte shumë tym, s’do dilja dot. Dua që të ikim nga këtu, të na rregullohet shtëpia jonë.”, tha një e moshuar. Ndërkohë, një tjetër i moshuar, nga shtrati i spitalit tregoi se si kishte humbur ndjenjat në korridorin e azilit pasi ishte asfiksuar nga tymi.

Ndërkohë sipas shefit te pranim-urgjencës, doktor Blendi Dhespollari fillimisht në spital janë sjellë 16 banorë të shtëpisë së moshuarve, të cilët janë paraqitur me parametra jetike normale, pa probleme djegie, pa gjendje lipotimie, koshientë, por vetëm të frikësuar.

2 prej tyre janë futur në terapi si rrjedhojë e diagnozave kronike nga të cilat vuanin, astma bronkiale dhe krizë hipertensive. Aktualisht janë të stabilizuara dhe të 50 banorët janë në gjendje shumë të mirë shëndetësore, duke pritur rikthimin në godinën e tyre. 

 

zjarr ne azilin ne fier

Sondazh

Poll

MË SHUMË