Aktualitet

“Kishte një shenjë te brinja”, nëna e Lear Kurtit mes lotësh: Dha shpirt në duart e policisë, po t’i kishin dhënë ndihmën e parë do ishte gjallë

Një ditë më parë Prokuroria pushoi çështjen, duke dalë në përfundimin se nga ana e efektivëve të policisë nuk ka pasur shkelje gjatë dhe pas shoqërimit të tij në komisariat.

29 Nëntor 2023, 13:29 Nga I.A
“Kishte një shenjë te brinja”, nëna e Lear Kurtit mes
Lear Kurti

TIRANË- Mes lotësh ka folur sot nëna e Lear Kurtit, 32-vjeçarit që humbi jetën një vit më parë pasi u ndalua nga policia. E ftuar në emisionin “Me Zemër të Hapur” në Neës24, nëna e 32-vjeçarit thotë se djali i saj ka vdekur në duart e efektivëve.

Një ditë më parë Prokuroria pushoi çështjen, duke dalë në përfundimin se nga ana e efektivëve të policisë nuk ka pasur shkelje gjatë dhe pas shoqërimit të tij në komisariat. Ajo ka deklaruar se ata do duhej që t’i jepnin ndihmën e parë dhe ta dërgonin në spital, e më pas të vazhdonin me procedurat ligjore.

“Duhej ta çonin në spital, pastaj të bënte policia punën e saj. Këtu kanë bërë shkelje. Në momentin që e kanë kapur, nuk di gjë dhe kamera nuk diskutohet dhe çdo gjë pastrohet, por Leari ka dhënë jetë në duart e tyre. Dhe në spital e kanë sjellë të vdekur dhe i vunë kot një vigon fallco. Leari ka dhënë jetë në duart e tyre, të policisë. Te Leari është dhe një shenjë të brinja, nuk e di, a me shkelm apo… unë shpresoj shumë të Gjykata. Çfarë të them unë e shkreta, ajo që u bë u bë, por nuk ka siguri këtu. Se si puna e djalit tim mund t’i vijë radha tjetrit, që nuk ia uroj askujt. Po të kishin vepruar siç duhet sot Leari do ishte o me mua ose çfarë do bënte shteti. unë shkoj dy herë në javë te varri i djalit dhe i lutem Zotit të na takojë bashkë. T’i kishin dhënë ndihmën e shpejtë, se e kishin afër spitalin”, rrëfeu ajo mes lotësh.

lear kurti

Sondazh

Poll

MË SHUMË