Sport

“Unë jam tifoz i Cristiano Ronaldos, por do të jetë e mrekullueshme të shoh Leo Messin nga afër, ishte më i miri edhe këtë vit”

I pyetur për idhujt e tij, braziliani i ri Endrick thotë se Pele “është mbret”, por në debatin Ronaldo-Messi nuk ka dyshime.

20 Nëntor 2023, 13:33 Nga DOSJA
“Unë jam tifoz i Cristiano Ronaldos, por do të jetë e

BRAZIL - Endrick ka pasur ditë të paharrueshme, me thirrjen e tij në kombëtaren e Brazilit në moshën 17-vjeçare dhe debutimin e tij kundër Kolumbisë të premten.

Sulmuesi i Palmeiras është pyetur për referencat që ai idhullon në botën e futbollit dhe, për të riun brazilian, nuk ka dyshim se kush është në vendin e parë: “Për mua, Pelé është mbreti, nuk ka njeri që do të arrijë këmbët e tij. Thjesht falënderoj Zotin që ekzistonte dhe që i pashë filmat e tij. 

Për Messin, ai është një lojtar fenomenal, më i miri në botë edhe këtë vit. Unë thjesht dua të shijoj momentin e lojës kundër tij, duke qenë në të njëjtin stadium me të, dikë që e kam parë vetëm në videolojëra. Unë jam më shumë fans i Cristiano Ronaldos, por do të jetë një përvojë e mrekullueshme të shoh Messin nga afër”,- tha ai për Globo Esporte në pritje të duelit kundër Argjentinës.

Përsa i përket fazës që ka përjetuar dhe arritjeve në karrierën e tij të shkurtër, Endrick thekson rëndësinë e shijimit të momentit: “Siç them gjithmonë, do ta shijoj momentin tim, jam i lumtur. Për mua nuk ka rëndësi nëse jam duke luajtur, nuk ka rëndësi numri i fanelës sime. Ajo që ka rëndësi është nëse skuadra po fiton. Do të bëj gjithçka që duhet për të ndihmuar ekipin të fitojë. Nuk është ajo që dua unë, ka të bëjë me atë që i duhet ekipit”.

Endrick u promovua nga Fernando Diniz në ekipin kryesor të Brazilit të premten e kaluar, pak më shumë se një vit, pasi Abel Ferreira e aktivizoi për Palmeiras në kampionatin brazilian. Selecao u mposht në vizitën e tyre në Kolumbi (2-1). Lojtari 17-vjeçar hyri në fushë në minutën e 82-të, duke zëvendësuar Raphinha-n.

B.T (Dosja.al)

Sondazh

Poll

MË SHUMË