Sport

Trajneri brazilian kërkon durim për Endrick, por deklaron: "Ai mund të jetë legjendar"

Trajneri Fernando Diniz u shpreh gjithashtu se asnjë lojtar nuk duhet të shqetësohet për marrjen e rolit të Neymar.

16 Nëntor 2023, 17:06 Nga DOSJA
Trajneri brazilian kërkon durim për Endrick, por deklaron: "Ai

BRAZIL - Ne po jetojmë në kohë ristrukturimi në ekipin brazilian. Fernando Diniz komandon Selecaon dhe ka shumë të rinj që vijnë në ekipin kombëtar. Tek emrat e njohur të Vinicius jr. dhe Rodrygo, tani me ta është bashkuar Endrick, vetëm 17 vjeç, i cili stërvitet nga Abel Ferreira në Palmeiras.

“Ai është një lojtar shumë i veçantë, në moshën e tij duke qenë në gjendje të prodhojë atë që prodhon tashmë, ai po projekton një të ardhme të ndritur. Ai vjen për meritat që ka dhe për potencialin e tij të ardhshëm”,- theksoi trajneri, i cituar nga “Globo Esporte”.

Endrick është ylli i ri i Palmeiras, por me një prani të garantuar te Real Madrid për sezonin e ardhshëm. Ende në rritje, ai mbështetet në ndihmën e Fernando Diniz, për t'u rritur edhe më shumë si lojtar: “Do të kontribuoj me aq sa mundem, por me kufizimet e trajnerit. Këtu kemi 24 lojtarë për t'u kushtuar vëmendje. 

Endrick nuk duhet të jetë një lojtar nën presion. Nuk duhet të presim gjithçka nga 17-vjeçari Endrick. Unë shoh një potencial të madh. Në të ardhmen ai mund të bëhet një nga ata lojtarë legjendar në futbollin brazilian. Por koha do ta vërtetojë këtë”,- shtoi ai.

Në lidhje me premtimet e konfirmuara tashmë, si Raphinha, Rodrygo, Vinicius Jr,  Gabriel Martinelli dhe Gabriel Jesus, kryefjala është e qartë: "Askush nuk duhet të shqetësohet për marrjen e rolit të Neymar", theksoi ai.

Brazili luan këtë të premte kundër Kolumbisë, “një nga rivalët më të ashpër në Amerikën e Jugut”, të quajtur nga trajneri, para ndeshjes me Argjentinën, duke llogaritur të gjitha drejt kualifikimit në Kupën e Botës 2026.

B.T (Dosja.al)

Sondazh

Poll

MË SHUMË