Politike

Aksioni i Opozitës, Rama: Akrobacira qesharake që mund të shihen vetëm në Portokalli

Po ashtu Rama ka theksuar se këto akrobacira dhe hyrje nga dritarja mund të shihen vetëm në Portokalli, por jo në Parlament. 

15 Nëntor 2023, 16:31 Nga I.A
Aksioni i Opozitës, Rama: Akrobacira qesharake që mund të
Edi Rama

DIBËR- Kryeministri Edi Rama ka komentuar aksionin e ndërmarrë nga opozita, pasi i janë mohuar të drejtat parlamentare. Në Asamblenë e Përgjithsme të PS-së në Dibër, Rama deklaroi se opozita po bën akrobacira qesharake. Po ashtu Rama ka theksuar se këto akrobacira dhe hyrje nga dritarja mund të shihen vetëm në Portokalli, por jo në Parlament. 

"Është një moment i rëndësishëm për ne si forcë politike, në vigjilje të një Kongresi, dhe patjetër në një fazë të jetës së vendit që ka shumë gjëra pozitive, po patjetër ka edhe sfida dhe vështirësi që duhen kapërcyer. Unë nuk kam dashur dhe dëshiroj të shpenzoj kohën e askujt për këtë, por e rimora për të nënvizuar faktin që kjo situatë që të gjithë ju e shihni, është një situatë ku arsyet që thuhen për këtë përshkallëzim të ri të marrëzisë nuk janë ato që dihen. Arsyet e vërteta pse shqiptarët po ballafaqohen sërish me skena dhe me akte të cilat asnjë familje, asnjë prind, as ata vetë që i vënë në jetë këto akte nuk ia lejon fëmijëve të vet. S’ka prind në këtë vend që i thotë fëmijës futu nga penxherja dhe pastaj baballarët hyjnë nga penxheret sepse diçka shumë e fortë i shtyn në këto akrobacira qesharake që mund të shkojnë në shfaqjet e Portokollisë por jo në zyrat e tempullit të demokracisë së një vendi si parlamenti dhe kjo lidhet me drejtësinë, ju e patë besoj dje, e ndoqët që gjykata e të drejtave të njeriut në Strasburg që është gjykata më e lartë e të gjitha vendeve evropiane, dhe vendimet e asaj gjykate janë udhërrëfyes për Evropën, shtetin e së drejtës dhe janë detyruese për çdo vend evropian," tha Rama.

edi rama

Sondazh

Poll

MË SHUMË