Politike

Marrëveshja me Italinë, Rama: Do e kalojmë në Parlament, është qasje strategjike

Rama ka theksuar se për këtë marrëveshje pala italiane donte që ta bënin si marrëveshje ndërqeveritare, por shtoi se ai e refuzoi.

14 Nëntor 2023, 21:25 Nga I.A
Marrëveshja me Italinë, Rama: Do e kalojmë në
Edi Rama

TIRANË- Kryeministri Edi Rama ka deklaruar se marrëveshja e nënshkruar me Italinë do të kalojë nga Parlamenti. I ftuar në emisionin 'Repolitix' në emisionin Report Tv, Rama ka theksuar se për këtë marrëveshje pala italiane donte që ta bënin si marrëveshje ndërqeveritare, por shtoi se ai e refuzoi. Rama theksoi se ky nuk ëhstë favor personal, por qasje strategjike ndaj një partneri strategjik. 

“Do ta çojmë marrëveshjen në parlament. Pala italiane donte të nisnim me këtë marrëveshje ndërqeveritare. Ne ua kemi bërë të qartë se do ta bëjmë këtë marrëveshje dhe do ia drejtojmë parlamentit. Zhurmat janë pjesë e jetës. Nuk janë zhurmat që drejtojnë vendimmarrjen e një qeverie. Nuk është favor personal, por qasje strategjike ndaj një partneri strategjik. Italia e vetmja që mund ta ketë një favor të tillë në Shqipëri. Është edhe gjeografia shumë e rëndësishme, jemi fqinj me Italinë, na ndan një det, por mund të ishim rajon i Italisë në kuptimin gjeografik. Një marrëdhënie e tillë dhe një marrëveshje e tillë me vende që janë shumë larg nesh, nuk bën sens” tha Rama.

edi rama

Sondazh

Poll

MË SHUMË