Sport

Simeone nuk e kafshon gjuhën për Joao Félix: "Lojtarët e Atléticos nuk e duan atë"...

Trajneri ‘bardhekuq’ foli qartë për futbollistin portugez, tashmë i huazuar te Barcelona dhe qëndrimin e tij në muajt e fundit.

14 Nëntor 2023, 07:04 Nga DOSJA
Simeone nuk e kafshon gjuhën për Joao Félix:

SPANJE - Diego Simeone, trajneri i Atlético de Madrid , është ndalur nga “El Larguero de la Ser”, ku ka folur ndër të tjera edhe për Joao Félix. I pyetur për qëndrimin që ka mbajtur muajt e fundit me ekipin ‘bardhekuq’, ai nuk e kafshoi gjuhën. 

"Ato janë opinione, apo gjeste personale. Por lojtarët te Atlético nuk e pëlqenin atë. Kur nuk e kupton, është e vështirë të jesh aty. Nëse unë jam argjentinas dhe jam në Spanjë, duhet të jetoj si në Spanjë. Çdo gjë e mirë që ndodh është e jashtëzakonshme edhe për mua. Nëse ai qëndron në Barcelonë besoj se do të ketë të ardhura të rëndësishme dhe nëse ai kthehet, ne jemi prej tre vitesh në pritje, që ai të jetë përmirësuar diku tjetër”,- tha ai.

Simeone nuk donte që këto t'ia atribuonte qëndrimit të futbollistit te Atlético: "Por nuk mund të themi, se ai nuk mundi të jepte gjithçka, që do të kishte dashur. Ai dha atë që mund të jepte. Sot ne e shohim atë mirë, me "një synim më reagues ndaj humbjes së topit, më aktiv në sulm, ai ishte gjithmonë i talentuar, por e ka të vështirë të vrapojë metra prapa. Çdo gjë që ndodh për mirë te Joao, ne do të na bëjë të lumtur, sepse do të jetë më mirë për klubin”, tha ai.

Dhe në lidhje me deklaratat e portugezit për stilin e Barcelonës dhe Atléticos, ai tregoi se "secili ka një mënyrë për ta parë lojën. Pastaj koha është arkitekti më i madh i realitetit. Ajo që ai tha, më duket e drejtë, luan për Barcelonën, për të sulmuar, ai është i lumtur dhe duhet të jetë aty ku ndihet i lumtur. Ai i bëri këto deklarata para fillimit të Ligës. Ndoshta tani ai thotë diçka tjetër".

B.T (Dosja.al)

Sondazh

Poll

MË SHUMË