Sport

Renditja e UEFA-s, Italia me 5 ekipe sezonin e ardhshëm në Champions League…

Raundi i favorshëm për skuadrat tona, vetëm Roma bëri keq. Interi drejt nivelit të parë

10 Nëntor 2023, 10:37 Nga DOSJA

Renditja e UEFA-s, Italia me 5 ekipe sezonin e ardhshëm në Champions

ZVICER - Italia mund të ëndërrojë të ketë pesë skuadra në Champions League në edicionin 2024/25, e para me formulën e re, e cila do të kualifikojë 36 skuadra (katër më shumë se sot) në fazën e parë.

Tre ditët e garave të Kupave të Europës, të pasuruara me fitoret e Milanit, Lazios, Interit, Fiorentinës dhe Atalantës, e vendosin Italinë në vendin e dytë në renditje pas Gjermanisë me një diferencë të mirë ndaj Turqisë, aktualisht e treta.

Me rregulloren e re, kombet në dy vendet e para në renditje, do të mund të llogarisin 5 skuadra pjesëmarrëse në kompeticionin kryesor të futbollit evropian.

Mes shumë karakteristikave të reja të Champions League të ardhshëm ka një për t'u theksuar: krahasuar me edicionet e fundit, fituesit e kampionateve kryesore nuk do të përfshihen në turet e parë. Privilegji do të jetë për ekipin fitues të kompeticionit dhe për tetë skuadrat e para në renditje.

Në këtë renditje, Interi është tashmë i pozicionuar mirë: ‘Zikaltrit’ në fakt janë ngjitur në vendin e gjashtë, pas fitores ndaj Salzburgut të martën dhe kualifikimit për në fazën e 16-të me dy xhiro më pak. Pas tyre është Chelsea, që këtë vit nuk po merr pjesë në kupat evropiane.

Ja dhe klasifikimi i UEFA-s për “Top-10” sipas shteteve:

1) GJERMANIA - 10.071 pikë
2) ITALIA - 9.142
3) TURQIA - 8.750
4) SPANJA - 8.687
5) BELGJIKA - 8.127
6) ANGLIA - 7.250
8) FRANCA - 6.916 9) GREQI - 6.400
10) HOLANDA - 6.100

B.T (Dosja.al)