Sport

Legjenda nuk i kursen kritikat për lojtarët e Manchester United: “Ata, kaq i kanë aftësitë”

Legjenda e Manchester United, Paul Scholes, ka sulmuar lojtarët pas humbjes në Champions League në Copenhagen.

10 Nëntor 2023, 08:00 Nga DOSJA
Legjenda nuk i kursen kritikat për lojtarët e Manchester United:

ANGLI - Pas humbjes së tmerrshme të Mançester Junajtid në Copenhagen (4-3), legjenda e “Djajve të Kuq”, Paul Scholes nuk i ka kursyer fjalët për lojtarët: “Nuk mendoj se ata nuk mundohen. 

Thjesht mendoj se ata janë një ekip mjaft i kufizuar përsa i përket aftësive dhe mendoj se kjo është treguar gjatë gjithë sezonit. Nuk më kujtohet një paraqitje, ku të thosha me vete: ‘Po, ata duken si një ekip i mirë, ata luajnë si një ekip’. 

Unë nuk mendoj se ata janë lojtarë të këqij. Unë mendoj se ka disa lojtarë shumë të mirë atje, por kur flet për një ekip që luan si një ekip, që mban topin, që tregon zakone të mira të lojës, kjo nuk është kështu deri tani këtë sezon”.

“Situata është bërë varrezë për drejtuesit, sidomos në këtë sezon të dytë. Të gjithë e ndjemë se sezonin e kaluar ata po shkonin diku. Ten Haag u përpoq të fillonte të luante futboll të bukur si te Ajax, por e kuptoi se ata lojtarë nuk ishin mjaftueshëm të mirë. 

Ai u mbështet te kundërsulmi. Ata sollën portierin në mënyrë specifike, që të mund të luanin nga prapa dhe të luanin një lojë të bukur posedimi, gjë që tifozët e United nuk janë të interesuar gjithsesi, ata preferojnë substancën mbi stilin. Gjithçka u bë pak konfuze. Lojtarët kanë humbur vetëbesimin, po luajnë larg aftësive të tyre dhe po fshihen,”- përfundoi Scholes.

B.T (Dosja.al)

Sondazh

Poll

MË SHUMË