Aktualitet

Katastrofat cenojnë sigurinë kombëtare, 86% e territorit e rrezikuar

Rreth 86% e territorit ku gjenerohet afërsisht 88,5% e Prodhimit të Brendshëm Bruto është e ekspozuar ndaj dy ose më shumë rreziqeve.

8 Nëntor 2023, 21:47 Nga I.A

Katastrofat cenojnë sigurinë kombëtare, 86% e territorit e

TIRANË- Vendi ynë është ekspozuar ndaj rreziqeve të shumta natyrore, duke përfshirë ato me origjinë hidrometeorologjike dhe gjeologjike si tërmetet, përmbytjet dhe thatësira.

Në rang botëror Shqipëria renditet ndër vendet me pasoja të larta ekonomike nga fatkeqësitë. Rreth 86% e territorit ku gjenerohet afërsisht 88,5% e Prodhimit të Brendshëm Bruto është e ekspozuar ndaj dy ose më shumë rreziqeve.

“Është e mundshme që të goditet 80-85% e PBB-së nga këto fatkeqësi pra kërcënimi është që mund të goditen kaq. Prandaj vlerësimi i tyre është shumë i rëndësishëm. Organizata e Kombeve të Bashkuara po kërkon që këto çështje të shpallen emergjencë botërore. Të shpallet rreziku apo kërcënimi nga klima apo fenomenet e tjera ekstreme”, u shpreh Dr.Xhavit Shala, ekspert për fenomenet ekstreme të natyrës dhe çështjet e sigurisë.

‘Nëse flitet për ndryshimet klimatike është gjëja e fundit që mendohet. Si shqiptar mendojmë sot për sot maksimumi për nesër. Por kurrë nuk mendojmë sot për 5, 15 apo 20 vitet e ardhshme dhe kjo në projeksione të ndryshme na ka bërë një nga vendet më të ekspozuar nga rreziqet e ndryshme të ndryshimeve klimatike”, u shpreh Avdulla Diku, ekspert mjedisi.

Marrë nga Top Channel

katastrofat natyrore avdulla diku

Sondazh

Poll

MË SHUMË