Sport

VIDEO / Atlético Madrid dominon Celticun, ku shkëlqen Griezmann. Lazio ‘hakmerret’ ndaj Feyenoord me Immobile...…

Celtic Glasgow, i reduktuar në dhjetë, nuk mund të bënte asgjë kundër Atlético Madrid të Antoine Griezmann (0-6), i cili shënoi një dopietë të martën. Në ndeshjen tjetër të Grupit E, Lazio u hakmor ndaj Feyenoord (1-0).

8 Nëntor 2023, 08:00 Nga DOSJA

VIDEO / Atlético Madrid dominon Celticun, ku shkëlqen Griezmann.

SPANJE - Një mbrëmje e mrekullueshme për Antoine Griezmann dhe Atlético Madrid.  ‘Bardhekuqtë’ zotëruan lehtësisht një Celtic Glasgow, të reduktuar shpejt në dhjetë që në minutën e 22-të të lojës, pas përjashtimit të Daizn Maeda.

Gjithsesi, francezi shfrytëzoi rastin për t'iu afruar titullit të golashënuesit më të mirë në historinë e Atléticos, të mbajtur nga Luis Aragonés ( 173 gola). Me dopiedën e tij të martën, sulmuesi i ekipit francez arriti në pesë gola më pak.

Së pari, me një goditje të devijuar në hyrje të zonës e cila befasoi Joe Hart që në fillim të ndeshjes (6’). Më pas falë një gërshërë madhështore në pikën e penalltisë (60’). Gjë që e lejoi të shënonte për ndeshjen e tretë radhazi në Champions League, e para në karrierën e tij në moshën 32-vjeçare. Alvaro Morata (45’+3, 76’), veçanërisht me një goditje të shkëlqyer nga e majta, Samuel Lino (66’) dhe Saul Niguez (85’) gjithashtu morën pjesë në festë.

‘Bardhekuqtë’ janë ende të pamposhtur në këtë fazë të grupeve të Champions League dhe tani janë në krye të Grupit ‘E’, një pikë përpara Lazios. Feyenoord, i treti, mbetet në garë (6 pikë), ndërsa praktikisht ka përfunduar për Celtic Glasgow në vendin e fundit me një pikë.

Në një ndeshje “të shurdhër”, Lazio u hakmor ndaj Feyenoord (1-0) pas humbjes në ndeshjen e parë (1-3). Kryeqytetasit italianë fituan pas golit të vetëm të ndeshjes, në fund të periudhës së parë (45’+1) falë golit të Ciro Immobile. Matteo Guendouzi u aktivizua gjatë pjesës së dytë.

B.T (Dosja.al)

Sondazh

Poll

MË SHUMË