Sport

“Në Premierligë, çdo ndeshje si të luash në Champions League, veçse është e shtunë!”

Portieri Odysseas Vlachodimos flet për përvojën e tij në Angli me Nottingham Forest

7 Nëntor 2023, 14:27 Nga DOSJA

“Në Premierligë, çdo ndeshje si të luash në

ANGLI - Pas më shumë se pesë vitesh në Benfica, Odysseas Vlachodimos u largua për në Nottingham Forest në verë, duke bërë debutimin e tij në ditën e fundit. Në një intervistë, ai flet se si është të luash në Ligën më të mirë në botë dhe pse e refuzoi Manchester United për të shkuar në Nottingham.

“Anglia është ëndrra e çdo futbollisti, pavarësisht fazës së tyre në karrierë. Punova shumë dhe më në fund pata mundësinë të realizoja ëndrrën time. U mendova pak dhe thashë ‘hajde’”,- thotë ai, duke konfirmuar se kishte patur një ftesë edhe nga Manchester United, por preferoi Nottinghamon, që të fitonte përvojë.

“Po, ka pasur interes nga United, por kjo është arsyeja pse zgjodha të vij këtu. Dua të fitoj përvojë në një ligë të lartë, të bëhem një portier më i mirë dhe më pas të shoh se çfarë mund të arrij.”

Odysseas bën një krahasim interesant midis Champions League dhe Premier League: “Champions League është gjithmonë diçka e veçantë. Ata luajnë natën, në vende të huaja, kundër skuadrave më të mira të Europës. Është një gjë e mrekullueshme.

Në dy vitet e fundit, me Benfikën ia dolëm të arrijmë në çerekfinale të kompeticionit dhe e vërteta është se kur kalon nga faza e grupeve në nokaut, niveli ngrihet edhe më tej. Nga ana tjetër, në Premier League çdo ndeshje është si të luash Champions League, përveç... është e shtunë!”.

Portieri flet për atmosferën në të cilën jeton: “Atmosfera në të gjitha stadiumet është fantastike. Në fund të fundit, kjo është një nga arsyet pse Premier League është liga më e mirë në botë. Të gjitha stadiumet janë të ngushta, tifozët e jetojnë çdo lojë intensivisht. Vetëm një ndërhyrje dhe i gjithë stadiumi duartroket. Kjo tregon se sa intensivisht njerëzit i përjetojnë betejat e lojës.”

B.T (Dosja.al)